Տպել
Մարդկանց մեծամասնությանը խորհուրդ է տրվում նախաճաշել համարյա անմիջապես արթնանալուց հետո, սակայն որոշ դեպքերում առավոտ շուտ չուտելն իր առավելություններն ունի: Նման կարծիք է հայտնել էնդոկրինոլոգ Եկատերինա Յանգը:
Ըստ նրա՝ աղեստամոքսային տրակտի տարբեր հիվանդություններով, լեպտինի դիմադրությամբ, սպիտակուցների եւ վիտամինների դեֆիցիտով, որոշակի համակարգի հորմոնների անհավասարակշռությամբ մարդկանց խորհուրդ է տրվում չխուսափել նախաճաշից:
«Եթե մարդու մոտ միտոքոնդրիումի դիսֆունկցիա կա եւ նա թունազերծման կարիք ունի, ապա լավագույն տարբերակը կլինի նախաճաշել ոչ թե արթնանալուց 40 րոպե անց, այլ ժամը 9-ին կամ 10-ին՝ 6-ին արթնանալու դեպքում, իսկ 6-ից 9-ը՝ գործերով զբաղվել ավելի մեծ արդյունավետությամբ: Նման հիվանդներն էներգիայի մշտական դեֆիցիտ են զգում եւ հաճախ ինտուիտիվ կերպով հանգում են այդպիսի հետաձգված նախաճաշի»,- իր Instagram-ում հայտնել է մասնագետը:
Նա հավելել է, որ առանց նախաճաշի սննդակարգի ռազմավարությունը կարող են կիրառել որոշ մարզիկներ, օրինակ՝ որպես օրգանիզմը ռեժիմի փոփոխությամբ «զարմացնելու» միջոց:
