«Մի քանի տարի շարունակ գազանաբար մորթել են իմ նախնիներին եւ երկրի երեսից ցանկացել ջնջել իմ ազգը»․ Գոհար Ավետիսյանը հարգել է Հայոց ցեղասպանության զոհերի հիշտակը

Այսօր Հայոց ցեղասպանության 106-րդ տարելիցն է։ Արդեն 106 տարի է անցել հայ ժողովրդի դեմ գործված հրեշավոր ոճիրից։ Հայաստանում եւ դրա սահմաններից դուրս ապրող շատ հայ հայտնիներ անդրադառնում են Հայոց ցեղասպանությանը, հարգում զոհերի հիշատակը՝ հրապարակելով լուսանկարներ, տեսանյութեր։

Գոհար Ավետիսյանը նոր գրառում է կատարել․

«Ապրիլի 24-ը Օսմանյան կայսրությունում Հայոց ցեղասպանության զոհերի հիշատակի օրն է:

Ուղիղ 106 տարի առաջ՝ 1915 թվականին, նրանք մի քանի տարի շարունակ գազանաբար մորթել են իմ նախնիներին եւ երկրի երեսից ցանկացել են  ջնջել իմ ազգը…

Մարդկության պատմության մեջ ամենասարսափելի ողբերգությունն է …

Հիշում ենք, սգում եւ պահանջում ճանաչում»։