Տպել
Մեծ քանակությամբ կոֆեին օգտագործող մարդկանց մոտ գլաուկոմայի զարգացման ռիսկը երեք անգամ ավելի է, եթե առկա է աչքի բարձր ճնշման ժառանգական հակում: Այս մասին նախազգուշացնում են Մաունթ Սինայ բժշկական կենտրոնի՝ Իկանա բժշկական դպրոցի մասնագետները: Նրանց հետազոտության արդյունքները հրապարակվել են ամսագրում:
MedicalXpress-ի հաղորդմամբ՝ ուսումնասիրության հեղինակները վերլուծել են ավելի քան 120,000 հիվանդների գրառումներ, որոնք հավաքվել են 2006-2010 թվականներին: Կամավորները, որոնք տրամադրել են նաեւ իրենց ԴՆԹ նմուշները, 39-ից 73 տարեկան են եղել: Նրանք լրացրել են դիետիկ հարցաթերթիկներ՝ նշելով, թե կոֆեին պարունակող որքան ըմպելիք եւ սնունդ են օրական օգտագործում եւ ինչ չափաբաժնով: Հետազոտողները ստուգել են նաեւ գլաուկոմայի առկայությունը ընտանեկան պատմության մեջ:
3 տարի անց չափել են մասնակիցների ներակնային ճնշումը եւ զննել են աչքերը: Ընդհանուր առմամբ, կոֆեինի շատ օգտագործումը կապված չի եղել ավելի բարձր ներակնային ճնշման կամ գլաուկոմայի ռիսկի հետ: Այնուամենայնիվ, կամավորների մեկ քառորդի մոտ, որոնք ունեն գլաուկոմայի գենետիկ բարձր հակում, սերը սուրճի եւ կոֆեին պարունակող մթերքների հետ կապված է ներակնային ճնշման եւ գլաուկոմայի զարգացման մեծ ռիսկի հետ:
Ինչպես պարզվել է, օրական ավելի քան 480 միլիգրամ սուրճի օգտագործումը (համարժեք մոտավորապես 4 բաժակ սուրճի) նպաստել է աչքի ճնշման բարձրացմանը 0,35 միլիմետր սնդիկի սյան մակարդակի: Բարձր գենետիկ ռիսկի դեպքում օրական մոտ 3 բաժակ սուրճ օգտագործելը 3,9 անգամ ավելացրել է գլաուկոմայի ռիսկը՝ համեմատած նրանց հետ, ովքեր կոֆեին քիչ են օգտագործել կամ ընդհանրապես չեն օգտագործել:
Գլաուկոմայի դեպքում ներակնային ճնշումը գերազանցում է նորման, ինչի հանգեցնում է տեսողության հետ կապված անդառնալի խնդիրների՝ ներառյալ տեսողության սրության եւ տեսողական դաշտի նվազում, ինչպես նաեւ օպտիկական նյարդի ատրոֆիա: Բուժումը կարող է դանդաղեցնել հիվանդության զարգացումը, որը հանգեցնում է կուրության:
