Տպել
Մարմնի ո՞ր ջերմաստիճանը կարելի է նորմալ համարել: Ոմանք կարծում են, որ դա 36,6 աստիճանն է, սակայն ամեն ինչ այդքան էլ պարզ չէ, ինչպես պնդում է օտորինոլարինգոլոգ, բժշկական գիտությունների թեկնածու Աննա Կոլեսնիկովան:
Նրա խոսքով` ջերմաստիճանի նորմայի սահմանները վաղուց ընդլայնվել են:
«Նորմալ վիճակում մարդու մարմնի ջերմաստիճանի նորման 35,5 աստիճանից մինչեւ 37,5 աստիճան Ցելսիուսի միջակայքում է», – ասել է Կոլեսնիկովան «Հինգերորդ ալիքի» հետ հարցազրույցում:
Մարմնի ջերմաստիճանը, ըստ բժշկի, կարող է բարձրանալ ուտելուց հետո, ֆիզիկական եւ էմոցիոնալ սթրեսի հետեւանքով, ինչպես նաեւ ամռանը՝ օրվա երկրորդ կեսին:
«Պետք է հասկանալ, որ օրվա ընթացքում ջերմաստիճանը կարող է փոխվել մինչեւ 0,6 աստիճանով: Ամենաբարձրը դիտվում է ժամը 16:00-ին եւ 18:00-ին», – ասել է մասնագետը:
Ջերմաստիճանը չափելու համար, ըստ մասնագետի, հարմար են թեւատակը, բերանը, ճակատը, արտաքին լսողական անցուղին, ինչպես նաեւ հետանցքային մեթոդով չափումը:
