Տպել
Ճիշտ սննդակարգը կօգնի նվազեցնել օրգանիզմի վրա բարձր ջերմաստիճանի ազդեցությունը, պնդում են իսպանացի սննդաբանները: Հոդվածում, որը հրապարակել է La Vanguardia թերթը, մասնագետները պատմել են մթերքների մասին, որոնք օգնում են լիցքավորվել էներգիայով շոգ եղանակին:
Մասնագետները խորհուրդ են տալիս շոգ եղանակին խուսափել քաղցր ըմպելիքներից, քաղցրավենիքից, թխվածքներից եւ պաղպաղակից: Դրա փոխարեն խորհուրդ է տրվում սննդակարգում ավելացնել վարունգ, լոլիկ, ճակնդեղ, ոսպ, ձու, ավոկադո: Մասնագետի խոսքով՝ սեզոնային մրգերն ու բանջարեղենը լավագույն միջոցն են օրգանիզմից դուրս եկող ջուրը վերականգնելու համար:
Մասնագետի խոսքով՝ օրինակ, ճակնդեղը իդեալական տարբերակ է նրանց համար, ովքեր արյան շրջանառության հետ կապված խնդիրներ ունեն:
Ամռանը շատերն անտեսում են լոբազգիները, չնայած այս շրջանում հենց դրանք պետք է ուտել:
Հատկապես դրանք խորհուրդ է տրվում նրանց, ովքեր չեն ցանկանում շատ ձուկ եւ միս ուտել:
Ավոկադոն, մասնագետի խոսքով, անհրաժեշտ է օրգանիզմի ճիշտ գործունեության համար:
Վարսակի շիլան եւս կարող է օպտիմալ տարբերակ լինել էներգիայով լիցքավորվելու համար:
