Տպել
Ինչպե՞ս եք ապացուցելու, թե որ սարսափ ֆիլմն է իրականում ամենասարսափելին: Կասեք՝ սա սուբյեկտիվ է: Գիտնականները բացահայտել են այդ հարցին օբյեկտիվորեն պատասխանելու մեթոդը: Հելոուինի նախօրեին և հաշվի առնելով սարսափ ֆիլմերի հավերժական ժողովրդականությունը՝ Broadband Choices-ը կազմել է 50 լավագույն սարսափ ֆիլմերի ցուցակը, այնուհետև տարբեր տարիքի և մշակութային ծագում ունեցող 50 մարդկանց ստիպել է դիտել դրանք՝ ընթացքում չափելով նրանց սրտի զարկերը:
Elle.ru-ն ներկայացնում է «հաղթող» հնգյակը:
- «Սինիստեր», 2012
Հանգիստ պայմաններում սիրտը մեկ րոպեում բաբախում է մոտավորապես 65 անգամ: Սարսափելի սպանությունների մասին դետեկտիվ թրիլլերի դիտման ընթացքում այն արագացել է 32%-ով (86 բաբախյուն): Եղել են նույնիսկ դրվագներ, որոնց ընթացքում ֆիլմը դիտող մարդկանց սրտի զարկերը հասել են 131-ի:
- «Աստրալ», 2010
Պարանորմալ սարսափի մասին պատմող ֆիլմը կիսում է առաջնորդի դիրքը. նույն 86 հարվածը մեկ րոպեում և «վախի թռիչքներ» մինչև 133 զարկ:
- «Անեծքը», 2013
Մեկ րոպեի ընթացքում՝ 85 զարկ: Կինոնկարը, որը հիմնված է պարանորմալ գործերում մասնագիտացած հետաքննողների իրական պատմությունների վրա, գրավել է երրորդ տեղը:
Չորրորդ և հինգերորդ տեղերը զբաղեցրել են «Ռեինկառնացիա» (2018) և «Պարանորմալ երևույթ» (2007) ֆիլմերը:
Պատրաստեց Անի Գաբուզյանը
