Տպել
Սեպտեմբերի 13-ին Առաջին ալիքի եջերում տեղի ունեցավ Հրաչ Քեշիշյանի «Երջանկության մեխանիկա» հեռուստաֆիլմի պրեմիերան: Ֆիլմի գլխավոր դերակատար Նազենի Հովհաննիսյանն Ինստագրամի իր էջում գրառում է արել նկարահանումների ծանր շրջանի մասին։
«Երջանկության մեխանիկա» համանուն ֆիլմը ստեղծվեց ցավի ու հուսահատության շաղախից: Ողբերգական 2020-ի ամենածանր պահերին, երբ ապրելու ոչ ուժ, ոչ ցանկություն չկար, քամում էինք մեր միջից էն խորքերում մնացած հույսը, կամքը, ու ամայացած աշխարհում ողջ մնացած ու իրար գտած երեխեքի պես ՇՆՉՈւՄ, ապրում իրարով ու ֆիլմում ստեղծած կյանքով: Ստվեր էի (… էստեղ մարմին առա…
Ես չգիտեմ դուք ինչ տեսնեք կամ ինչ կզգաք, բայց էն աշխարհից հետ եկա հենց էս պրոցեսի շնորհիվ… ներսումս կուտակվածը շատ է, ոչ էստեղ կտեղավորվի, ոչ էլ որևէ էջում…
նայեք ուղղակի
Առանձին շնորհակալություն Հրաչին, որ կարողացավ կյանքի կոչել… նախ՝ մեզ, հետո ֆիլմը… @hrachkeshishyan նկարագրելու չի պարզապես)….
ԱՅՍՕՐ. սեպտեմբերի 13-ից 23.00 Առաջին ալիքի /@armpublictv / նոր եթերաշրջանին դիտեք ԵՐՋԱՆԿՈՒԹՅԱՆ ՄԵԽԱՆԻԿԱՆ
Սա ֆիլմ է ընկերության, սիրո, հավատարմության ու դավաճանությունների մասին, հետպատերազմյան հոգեվիճակի, փշրված երջանկության ու լավատես մարդկանց մասին մի մեծ պատմություն է, որտեղ կարևոր է յուրաքանչյուր դետալ, յուրաքանչյուր խոսք, ժեստ ու հայացք:
2020-ից հետո Երջանկությունն այլևս նույնը լինել չի կարող:
Երջանկության մեխանիկան խախտված է:
Սա տրակտատ է ներկայի մասին:
Վայելեք դերասանական լավ խաղ, խորն ու իրական էմոցիաներ, այնպիսին, ինչպիսին մենք ապրել ենք ֆիլմի ստեղծման ողջ ընթացքում՝ 2020-ի դաժան դեկտեմբերից մինչ այսօր:
Բարի դիտում…»:
