«Շնորհակալ եմ ամեն օրվա, ամեն րոպեի համար, որ կաս, որ կողքիս ես, սիրում ես, հասկանում, համբերում». Լիլիթ Մուրադյանի շնորհավորանքը Վահե Խանամիրյանին

Այսօր հաղորդավար Վահե Խանամիրյանի ծննդյան օրն է։ Այդ առիթով նրան հրապարակային շնորհավորել է կինը՝ հաղորդավարուհի Լիլիթ Մուրադյանը։

Երիտասարդ մայրիկն Ինստագրամյան էջում հրապարակել է ամուսնու ջերմ լուսանկարն իրենց երեխաների հետ ու գրել․ «Էնքան բան ունեմ քեզ ասելու, չգիտեմ որտեղից սկսեմ։ Այսօր քո ծնունդն ա, բայց դա կապ չունի, այս խոսքերը ես ասում եմ ինքս ինձ ամեն օր։

Վահ, շնորհակալ եմ ամեն օրվա, ամեն րոպեի համար, որ կաս, որ կողքիս ես, որ սիրում ես, հասկանում, համբերում… աչքերս լիքն են, կոկորդս էլ մի քիչ վառվում ա գրելուց, որովհետև հուզված եմ, արդեն յոթ տարի ու ամեն օր սիրում եմ քեզ ավելի շատ։ Ես երջանիկ կին եմ, որ ունեմ քեզ, երջանիկ եմ, որ երեխաներս ունեն քո նման պապա, ընկեր, կյանքի ուղեկից։

Խնդրում եմ առողջ եղիր ու իմ կողքին։ Կներես ինձ, որ վերջերս հա հոգնած եմ, տխուր, նյարդային… կանցնի, մենք ամեն ինչ էլ անցել ենք։

Շնորհակալ եմ ծնողներիդ, որ քեզ ունեմ։

Ես քեզ սիրում եմ ու չկան բառեր, որ բնութագրեմ, թե որքան։ Շնորհավոր ծնունդդ»։