Տպել
Ճշմարտախոս մարդիկ զրուցելիս հարցերին պատասխանում են մեջքն ուղիղ, գլուխը բարձր դիրքով։ Իսկ նրանք, ովքեր անկեղծ չեն ձեզ հետ, խոսելիս խաչում են իրենց ոտքերն ու ձեռքերը։
Անկեղծ մարդիկ զրուցելիս սովորաբար օգտագործում են ժեստեր, որոնք համահունչ են իրենց խոսքին, եւ դրանք ավելի են հզորացնում ասվածի իմաստը։ Իսկ ստախոսները փորձում են վերահսկել իրենց ժեստերը։
Մարդիկ, ովքեր իրենց խոսքը սկսում են «Անկեղծ ասած․․․», »Անկեղծ կլինեմ․․․» խոսքերով, ազնիվ չեն ձեզ հետ։ Հավաստիացեք, որ ձեր հնչեցրած հարցին տրվում է հստակ պատասխան։
Ուսումնասիրությունները ցույց են տվել, որ ստելիս մարդիկ ավելի շատ դադար են տալիս, քան անկեղծ խոսելիս։
Անկեղծ մարդիկ խոսելիս օգտագործում են դեմքի բոլոր մկանները, իսկ ստախոսը միայն ժպտում է, իսկ աչքերը ոչ մի զգացմունք չեն արտահայտում։
Պատասխանելուց առաջ ստախոսը սովորաբար խնդրում է կրկնել հարցը՝ ձեւացնելով, թե չի լսել այն։ Այսպես նա ժամանակ է շահում պատասխան մտածելու համար։ Հետեւաբար, եթե ձեր զրուցակիցը հաճախ է խնդրում կրկնել հարցը, ուրեմն նա ստում է։
news.am
