Տպել
Մենք սովոր ենք գլխացավերը հաղթահարել դեղերի միջոցով, իսկ ի՞նչ կասեք վնասակար սովորություններից հրաժարվելու մասին…Երբեւէ մտածե՞լ եք, որ Ձեր սիրելի սուրճը կամ պանրի տեսակը կարող է «պատասխանատու» լինել Ձեր գլխացավերի համար:
Ներկայացնում ենք մթերքներ, որոնք կարող են նպաստել գլխացավերի առաջացմանը:
1. Պանիր
Պանրի որոշ տեսակներ՝ ռոկֆոր, պարմեզան, բրի եւ այլն, պարունակում են թիրամին, որը ստիպում է գլխուղեղի անոթներին նախ նեղանալ, ապա կտրուկ լայնանալ: Տիրամինը նաեւ «մրցակցում է» սերոտոնինի հետ՝ դուրս հանելով այն օրգանիզմից:
2. Ալկոհոլ
Անթոների կտրուկ նեղացումը, ջղաձգումները ալկոհոլի ամենավնասակար ազդեցություններից են: Բացի այդ, ալկոհոլային խմիչքները նույնպես պարունակում են թիրամին, որն առաջացնում է միգրեն եւ գլխապտույտ, իսկ կարմիր գինին պարունակում է սուլֆիտներ, որոնք նույնպես կարող են գլխացավերի պատճառ դառնալ:
3. Կծու սնունդ
Համեմունքները պարունակում են կապսաիցին, ինչը կարող է նպաստել գլխացավի առաջացմանը:
4. Սառը մթերք
Վատ նորություն՝ պաղպաղակի եւ սառույցով կոլայի սիրահարների համար: Գիտնականները հաստատում են գլխացավերի եւ շատ սառը սննդի միջեւ կապը: Միգուցե, բանը նրանում է, որ սառը կտրուկ նեղացնում է անոթները:
5. Կոֆեին
Սուրճը եւ կոֆեին պարունակող այլ ըմպելիքները պետք է օգտագործել օրական 200 միլիգրամից ոչ ավելի: Ուսումնասիրությունները ցույց են տվել, որ այն մարդիկ, որոնք չարաշահում են կոֆեինը, հաճախ են տառապում միգրենից:
6. Ապխտած մթերք
Սրանք պարունակում են ոչ միայն թիրամին, այլեւ համի խթանիչներ, որոնք էլ, շնորհիվ իրենց վնասակար նյութերի, կարող են ուժեղացնել գլխացավերը:
7. Ընդեղեն
Ընդեղենն օգտակար է օրգանիզմի համար, բայց դրա չարաշահումը կարող է գլխացավերի պատճառ դառնալ: Նուշը, ընկույզը, քեշյուն պարունակում են սուլֆիտներ, որոնք էլ հենց պատճառ են դառնում գլխացավերի:
8. Խմորեղեն
Ալյուրը պարունակում է կումարին, որը կարող է միգրենի առաջացման պատճառ դառնալ: Կումարինի ազդեցութունն ուժգնանում է փխրեցուցիչի հետ կոնտակտի հետեւանքով:
Բացի այդ, սպիտակ ալյուրից պատրաստված խմորեղենը բարձրացնում է արյան մեջ շաքարի պարունակությունը, ինչը եւս կարող է գլխացավեր առաջացնել:
