Տպել
«Թվին Փիքս» ամերիկյան սերիալի երրորդ եթերաշրջանը կմեկնարկի 2017 թվականի մայիսի 21-ին: Այդ մասին հայտարարել է Showtime հեռուստաալիքի նախագահ Դևիդ Նևինսը:
Պրեմիերայի օրն ընկերությունը կցուցադրի երկու մաս: Նևինսը նշել է, որ ամբողջ եթերաշրջանը բաղկացած կլինի 18 սերիայից: «Դրանք կլինեն 18 անմոռանալի ժամեր»,- հավելել է նա:
Հեռուստաալիքի նախագահն ընդգծել է, որ սերիալի ստեղծողը՝ Դևիդ Լինչը, երրորդ եթերաշրջանը նկարահանել է որպես լիարժեք ֆիլմ՝ հետագայում այն բաժանելով մասերի:
«Թվին Փիքս»-ի շարունակության մեջ խաղացել են Մոնիկա Բելուչին, Թիմ Ռոթը, Նաոմի Ուոթսը, Ջիմ Բելուշին, Ամանդա Սեյֆրիդը, Էշլի Ջադը:
Իրենց դերերին են վերադարձել այն դերասանները, որոնք նկարահանվել են առաջին երկու եթերաշրջաններում՝ Դևիդ Դուխովնին, Քայլ Մաքլահլենը, Շերիլ Լին, Դևիդ Պատրիկ Քելլին և Շերիլին Ֆենը:
«Թվին Փիքս»-ն առաջին անգամ ամերիկյան ալիքով հեռարձակվել է 1990-1991 թվականներին: Սերիալը ներառում է 30 մաս:
Սյուժեն ծավալվում է դպրոցական Լորա Փալմերի սպանության շուրջ. այն հետաքննում է Հետաքննությունների համերկրային բյուրոյի հատուկ գործակալ Դեյլ Քուփերը:
