Տպել
Կորոնավիրուսով ընտանի կենդանու վարակման ախտանիշները կարող են լինել հազը եւ քթից արտադրությունը, հայտնում է առցանց բժշկական «СберЗдоровье» (Ռուսաստան) ծառայությունը:
«ՌԻԱ Նովոստին» հայտնում է, որ ընտանի կենդանիները հազվադեպ են վարակվում կորոնավիրուսով, սակայն նրանք կարող են վարակվել հիվանդ մարդու հետ սերտ եւ երկարատեւ շփման հետեւանքով։ Հիվանդության մասին կարող են վկայել այնպիսի նշանները, ինչպիսիք են փռշտոցը, հազը, աչքերից կամ քթից արտադրությունը, քնկոտությունը եւ ծանր շնչառությունը:
Վարակումը հաստատելու կամ բացառելու համար խորհուրդ է տրվում դիմել անասնաբուժական կլինիկա, որտեղ ձեր ընտանի կենդանու քթից քսուք կվերցնեն: Հարկ է հիշել, որ թվարկված ախտանիշները կարող են վկայել այլ շնչառական վարակների, օրինակ՝ միկոպլազմոզի մասին։
Եթե ախտորոշումը հաստատվել է, բայց կենդանին իրեն լավ է զգում, կարիք չկա նրան բուժել, պետք է պարզապես հետեւել նրա ինքնազգացողությանը: Եթե նոր ախտանշաններ հայտնվեն կամ եթե նրա վիճակը սկսի վատթարանալ, պետք է դիմել անասնաբուժական կլինիկա:
Մասնագետների կարծիքով՝ գոյություն ունի «կատվային» կորոնավիրուս, որը ոչ մի կապ չունի COVID-19-ի հետ։ Այն նկատվում է գրեթե բոլոր կատուների մոտ եւ վտանգավոր չէ, սակայն որոշ դեպքերում նպաստում է վարակիչ պերիտոնիտի եւ էնտերիտի զարգացմանը։ Վիրուսը վտանգավոր չէ մարդկանց եւ շների համար, քանի որ դրանով վարակվում են միայն կատվազգիները։
