Տպել
1. Համբույր
Նա ձեզ համբույրով է դիմավորում, երբ աշխատանքից տուն եք վերադառնում: Ընդ որում՝ համբուրում է ոչ թե այտերը, այլ շուրթերը: Հավատացեք, որ դա ավելի լավ է, քան գրկախառնությունը:
2. Շփում
Երբ նա գործերով տեղ է գնում, օրվա ընթացքում առնվազն մեկ անգամ զանգահարում է ձեզ: Եվ միշտ պատմում է, թե ինչպես են իր գործերը: Ասում է, որ կարոտում է:
Գործուղման մեկնած ամուսինը կա՛մ կարոտում է իր կնոջը, կա՛մ, հակառակը, ուրախ է, որ «դուրս պրծավ»: Եթե ձեր ամուսինն ուզում է ձեզ հետ լինել, ապա ավելի հաճախ կզանգահարի, քան կարծում եք:
Եվ, այո, երջանիկ ամուսինը 100%-ով վստահում է ձեզ: Այնպես որ՝ նրա կողմից որեւէ կասկած չի կարող լինել:
3. «Ես քեզ սիրում եմ»
Նա ասում է, որ սիրում է ձեզ: Ամեն օր: Օրական մի քանի անգամ: Իսկ դուք պատասխանում եք:
Իսկական սերը չի ծերանում: Երջանիկ ընտանիքում ամուսիններն ամեն օր միմյանց հայտնում են իրենց սիրո մասին:
«Դու չես ասում, որ սիրում ես ինձ»: – «Ասել եմ այդ մասին, երբ ամուսնացանք: Եթե այդ հարցում ինչ-որ բան փոխվի, անպայման կասեմ»: Երջանիկ ամուսիններն այդպես չեն խոսում իրար հետ:
4. Օգնության ձեռքեր
Նա օգնում է ձեզ տան գործերում: Նա ցանկանում է թեթեւացնել ձեր բեռը: Ուզում է իր ներդրումն ունենալ:
Նա պատրաստ է ձեր գործընկերը դառնալ բիզնեսում, պատրաստ է միասին կարգի բերել բնակարանը: Պատրաստ է ձեզ հետ միայն ստուգել երեխաների դասերը: Որովհետեւ սիրում է ձեզ:
5. Հաճոյախոսություն
Նա գովեստի խոսքեր է ասում ձեզ: Նա ուշադրություն է դարձնում այն ամենին, ինչ անում եք, նաեւ նրան, թե ինչ տեսք ունեք: Դուք կարող եք օրվա ընթացքում մի քանի անգամ նկատել, որ դիտում է ձեզ: Թվում է՝ նրան երբեք չի ձանձրացնի ձեզ հետեւելը: Նա տեսնում է ձեր բոլոր թերությունները, բայց նաեւ կուրացած է սիրով:
6. Մխիթարություն
Նա ձեր ուսերն է բռնում ամեն անգամ, երբ արտասվում եք: Երբ ձեր հոգեկան ցավն ուժեղ է, նա միշտ ձեր կողքին է: Հիասթափության արցունքնե՞ր: Նա նորից տեղում է:
Բոլորս էլ գիտենք, որ կյանքը կատարյալ չէ: Եվ ամուսինների կարեւորագույն խնդիրներից է՝ դժվար ժամանակներում միմյանց սատարելը: Բայց դա հաղթահարում են միայն երջանիկ զույգերը:
7. Անկեղծություն
Նա ձեզ հետ կիսում է ե՛ւ իր երազանքները, ե՛ւ մտահոգություններ: Նրա համար դա նույնքան բնական է, որքան ձեզ համար: Նա պետք է իմանա, որ կարող է ձեզ մոտ բարոյական աջակցություն գտնել, եթե հանկարծ իր աշխարհը սկսի կործանվել: Եթե նա, հակառակը, ոչինչ չի պատմում ձեզ, նշանակում է՝ ձեր միջեւ ինչ-որ բան այն չէ:
Երջանիկ ամուսնացած տղամարդը երբեք չի վախենում «լացկան» կամ «միամիտ տղա» թվալ իր կնոջ աչքում: Նա գիտի, որ սիրելի կինը կհասկանա:
Տղամարդիկ, եթե կարդում եք այս տեքստը եւ ոչինչ չեք անում, էլ ինչ ասենք: Հիշեք. երբեք ուշ չէ սկսել երջանիկ հարաբերություններ կառուցել: Պարզապես ընտանիքը ձեզ համար առաջնահերթություն դարձրեք, եւ ամեն ինչ նորմալ կլինի:
