Տպել
Խոյ
Խոյերն իրավամբ կարող են հպարտանալ իրենց կենդանակերպի նշանով, քանի որ այն ցուցակում առաջինն է, նշանակում է՝ կյանքում էլ որպես առաջնորդ է հանդես գալիս։ Իսկապես Խոյերը միշտ առաջին դերերում են, նրանք խիզախ են ու նպատակամղված, իսկ դա նշանակում է, որ ունակ են իրենց հետևից տանել մյուսներին։
Բացի դրանից, այս մարդիկ շատ ակտիվ են, ինչի շնորհիվ նույնիսկ առաջացած տարիքում նրանք չեն կորցնում երիտասարդական ավյունը ու նոր խոչընդոտներ հաղթահարելու տենչը։ Մարտի ժամանակ Խոյը երբեք թևաթափ չի լինի, նրան հնարավոր չէ կոտրել, անգամ, եթե միայնակ վարի մարտը, քանի որ մեծ կամքի ուժ ու խիզախություն ունի։ Միևնույն ժամանակ շփման մեջ նա իսկական ընկեր է ու բավականին միամիտ մարդ։ Իսկ դա նույնպես հպարտության առարկա է։
Ցուլ
Տվյալ նշանի պատկանող անձինք կարող են հպարտանալ իրենց ներքին ուժով, անհավանական նպատակամղվածությամբ ու հուսալիությամբ։ Եթե ձեզ հուսալի թիկունք է պետք, Ցուլից լավ ոչ ոք այդ մարդը չի կարող լինել ձեզ համար։ Այս մարդն առանձնանում է հուսալիությամբ, միշտ հավատարիմ է իր խոսքին, ու եթե որոշել է պայքարել, ապա կգնա մինչև վերջ։ Համառության հարցում Ցուլին հավասարը չկա, և նույնիսկ Խոյը չի կարող մրցակից լինել նրան։
Բացի դրանից, Կենդանակերպի այս նշանի ներկայացուցիչները լավագույն տնտեսվարներն են ու մեծ հաջողությամբ կարող են հողագործական աշխատանքներ կատարել։ Եվ վերջապես, դուք երբեք չեք հանդիպել այնպիսի մարդկանց, ովքեր Ցուլերից ավելի համբերատար են, իսկ դա խոսում է այն մասին, որ այս նշանի ներկայացուցիչներն ունակ են անցնել ցանկացած փորձության միջով։
Երկվորյակներ
Շատերի համար Երկվորյակները ոչ միանշանակ նշան են։ Սակայն նրանք էլ հպարտանալու բան ունեն։ Այսպես, օրինակ, դուք ավելի հետաքրքիր զրուցակից չեք գտնի, քան Երկվորյակն է։ Կենդանակերպի այս նշանի ներկայացուցիչները ապշեցնող կերպով դեպի իրենց են կարողանում գրավել մարդկանց, և դրա համար էլ ծանոթությունից տառացիորեն երկու րոպե անց այնպիսի տպավորություն է ստեղծվում, որ դուք ծանոթ եք ողջ կյանքում։ Զարմանալի չէ, որ այդպիսի մարդու հետ երբեք անհարմարություն ու ամոթ չես զգա։ Այս արժեքավոր որակը Երկվորյակներին թույլ է տալիս իսկական լրտեսներ դառնալ։ Նրանք կարող են ցանկացած ինֆորմացիա քաղել յուրաքանչյուրից, առանց բացառության։
Բացի դրանից, Երկվորյակների հետ միշտ ուրախ է։ Այս մարդիկ միշտ կգտնեն զվարճանալու եղանակն ու իրենց ու իրենց շրջապատող անձանց տրամադրությունը բարձրացնելու ձևը։
Խեցգետին
Խեցգետինները շատ մեղմ ու նուրբ անձնավորություններ են, և դրա համար էլ նրանց հասարակության մեջ գտնվելը ամենաքիչը հաճելի է։ Միևնույն ժամանակ Խեցգետինների հետ շփվելով՝ միշտ զարմանում ես, թե այդ մաքուր ու անմեղ էակները ինչպես չեն դառնում ավելի չոր՝ նույնիսկ բախվելով դավաճանության ու անարդարության հետ։ Ներքին ամրությունն ու մարդկանց հանդեպ սերն այս անձնավորությունների համար ակնհայտ հպարտության առարկա են։ Թերևս, այս մարդկանց ամենաարժեքավոր որակը մարդկանց սիրելու կարողությունն է, անկեղծ, անշահախնդիր ու ողջ հոգով։
Բացի դրանից, Խեցգետինները կարող են տանն իսկական հարմարավետություն ստեղծել։ Հենց նրանք են հանդիսանում ընտանիքի ու մերձավորի նկատմամբ սիրո մարմնացումները։
Առյուծ
Առյուծները կարող են հպարտանալ իրենց կազմակերպչական ունակություններով։ իսկապես առանց այս մարդկանց դժվար է պատկերացնել ողջ կոլեկտիվի հարթ աշխատանքը։ Ավելին, Առյուծ ղեկավարության ներքո աշխատելով՝ այլևս ոչ ոք չի ցանկանա այլ ղեկավար ունենալ, և դա այն պատճառով, որ Առյուծն ազնիվ, արդարամիտ ու ադեկվատ մարդ է, ով, բացի ամեն ինչից, չի վախենում իր վրա պատասխանատվություն վերցնելուց։ Կրակի տարերքի այս ներկայացուցիչների մոտ առհասարակ լավ է ստացվում այլ մարդկանց աջակցել։ Այդ պատճառով էլ մարդիկ ձգտում են դեպի Առյուծները։
Բացի դրանից, Առյուծները կարող են տրամադրություն պարգևել և ունակ են բարձրացնել նույնիսկ այն մարդկանց տրամադրությունը, ում հոգում փոթորիկ է։
Կույս
Կենդանակերպի այս նշանի ներկայացուցիչները կարող են հպարտանալ նրանով, որ իրենք ամենանպատակամղված մարդիկ են։ Նրանց պերֆեկցիոնիզմին կարող է նախանձել ցանկացած մարդ։ Կույսերը միշտ և ամեն ինչում ձգտում են կատարելության, շատ են աշխատում իրենց վրա, դրա համար էլ իսկական պրոֆեսիոնալներ են դառնում, որոնց շատ դժվար է հաղթել վարպետությամբ։ Ինչը հատկանշական է, Կույսերը ճանաչման են ձգտում ցանկացած գործում, և դա նրանց առանձնացնում է կենդանակերպի մյուս նշաններից։
Բացի դրանից, Կույսերը գերազանց ստրատեգներ են, ովքեր օժտված են ձեռնարկատիրական ջիղով։ Նրանք կարող են հաջողակ բիզնես հիմնել, որը նրանց թույլ կտա նորմալ ապրել ու վայելել կյանքը։
Կշեռք
Կշեռքները կարող են հպարտանալ նրանով, որ իրենք ամենահանգիստ ու հավասարակշռված անձնավորություններն են։ Այն ժամանակ, երբ ուրիշներն իրենց մազերն են պոկում կատաղած ու հիստերիաներ են սարքում, Կշեռքներն իրենց հատուկ շրջահայացությամբ ու հանգստությամբ լուծում են խնդիրները։ Նրանց դիվանագիտական ունակություններն օգնում են գլուխ հանել տառացիորեն ցանկացած իրավիճակից։
Բացի դրանից, Կշեռքներն իսկապես կենսական, կենցաղային իմաստնություն ունեն։ Իրենց գործուն խորհուրդներով նրանք անընդհատ օգնում են իրենց շրջապատողներին ու դրանով վաստակել են հարգանք ու ակնածանք նրանց կողմից։ Վերջապես, նրանք շատ հմայիչ մարդիկ են։ Կշեռքների անհավանական հմայքը նրանց օգնում է լուծել ցանկացած խնդիր, որ առաջանում է իրենց կյանքի ճանապարհին։
Կարիճ
Շատերը Կարիճներին դաժան ու նույնիսկ վտանգավոր անձնավորություններ են համարում, որոնց ավելի լավ է շրջանցել։ Բայց այդպես մտածում են նրանք, ովքեր երբեք Կարիճների հետ ընկերություն չեն արել։ Նրանք Կենդանակերպի ամենաուրախ ու կենսախինդ ներկայացուցիչներն են։ Կարիճները հարյուրավոր ծիծաղաշարժ պատմություններ գիտեն ու անընդհատ կատակներ են անում իրենց ընկերների ու գործընկերների հետ։ Կարիճները պոզիտիվ են ճառագում ու դրանով վարակում են բոլորին, իսկ դա սեփական նշանով հպարտանալու առիթ է։
Բացի դրանից, Կարիճներն ամենակրքոտ սիրեկաններն են, և մի անգամ Կարիճի հետ անկողնում հայտնվելով՝ զուգընկերն այլևս չի կարող հրաժարվել նրանից։
Աղեղնավոր
Կենդանակերպի այս նշանի ներկայացուցիչները բոլորից լավ են կարողանում վայելել կյանքը ու նրանից առավելագույնն են քաղում։ Նրանք շատ թեթև մարդիկ են, ովքեր կշրջեն ողջ աշխարհով մեկ, որ ճանաչեն բոլոր մշակույթներն ու փորձեն այս աշխարհի բոլոր վայելքները։ Բնականաբար, Աղեղնավորի երկրորդ կեսը նույնպես հնարավորություն կստանա կյանքը վայելել իր սիրելիի հետ։
Բացի դրանից, Աղեղնավորն անընդհատ ձգտում է նոր գիտելիքներ ստանալ ու նոր բացահայտումներ անել, նա հետաքրքրասեր է ու տեղեկացված, իսկ դա նշանակում է, որ այդ մարդու հետ միշտ խոսելու ու վիճելու բան կա։ Նրա հետ պարզապես հեշտ ու հետաքրքիր է, և դրանում է նրա ամենամեծ առավելությունը։
Այծեղջյուր
Այծեղջյուրները կարող են պարծենալ իրենց սկզբունքայնությամբ։ Նրանք շատ հստակ, ճշգրիտ մարդիկ են, ովքեր մի գործ սկսելով՝ այն հասցնում են իր ավարտին։
Բացի դրանից, Կենդանակերպի այս նշանի ներկայացուցիչները համարվում են ամենախելացի անձնավորությունները ու կարող են շատ օգուտ տալ՝ շնորհիվ իրենց մտավոր ունակությունների։ Հենց այդ պատճառով էլ Այծեղջյուրի կողքին միշտ հավաքվում են մարդիկ, ովքեր երազում են կյանքում ինչ-որ բանի հասնել։ Իսկ Այծեղջյուրը նրանց համար և ղեկավար, և գաղափարական ոգեշնչող և հոգևոր դաստիարակ է դառնում։ Ակնհայտ է, որ կենդանակերպի այս նշանի տակ ծնված մարդիկ դառնում են ուրիշների ուշադրության կենտրոնը։
Ջրհոս
Ջրհոսները կարող են հպարտանալ իրենց անկախ բնավորությամբ, որը հաճախ այս մարդկանց հակադրության մեջ է դնում համընդհանուր ընդունված չափանիշերի հետ։ Նրանք միշտ դեմ են գնում մեծամասնության կարծիքին և շատ են հպարտանում իրենց ալտերնատիվ դիրքորոշմամբ։
Բացի դրանից, Ջրհոսները ոչ ստանդարտ մտածողություն ունեն, դրա համար էլ հաճախ հանճարեղ բացահայտումներ են կատարում ու արժեքավոր հայտնագործություններ։ Իսկ դա ոչ միայն հպարտանալու առարկա է, այլև համընդհանուր ճանաչման հասնելու եղանակ։ Բացի դրանից, Ջրհոսներն իսկական փիլիսոփաներ են, որոնց հետ կարելի է անընդհատ շփվել ամենատարբեր թեմաներով։
Ձկներ
Կենդանակերպի այս նշանի ներկայացուցիչները կարող են հպարտանալ նրանով, որ հանդիսանում են իսկական հոգիներ ամոքող։ Ձկները միշտ կլսեն, կհանգստացնեն, գործուն խորհուրդ կտան ու կաջակցեն մարդուն միայն այն պատճառով, որ անկեղծորեն սիրում են մարդկանց ու աշխատում մարդկությունը փոքր-ինչ բարի դարձնել։
Ընդհանրապես Ձկները կարող են հպարտանալ իրենց լոյալությամբ ու այլ մարդկանց թերությունների հանդեպ հանդուրժողականությամբ։ Նրանք անընդհատ փորձում են հաշտեցնել թշնամացած կողմերին ու գտնել ոսկե միջինը։ Դրա համար են նրանց սիրում շրջապատողները ու նույնիսկ հպարտանում նրանցով։
Ձկները նաև ստեղծագործող անհատներ են, ովքեր ոչնչից ունակ են ստեղծել համաշխարհային մշակույթի իսկական գլուխգործոց։ Եվ դրանով իսկապես արժե հպարտանալ։
Նյութը հրապարակման պատրաստեց 168.am-ը
