Տպել
Ինչպե՞ս լավատես մնալ կյանքի բարդ ժամանակներում:
Լավատեսություն չի նշանակում, որ պետք է ուղղակի երջանիկ լինել եւ սպասել նշանների, իրավիճակների, որպեսզի կազմեք ձեր կյանքի ուղին: Լավատեսություն նշանակում է հավատալ նրան, որ դուք կարող եք ապրել եւ զբաղվել գործերով անգամ երբ իրավիճակը ձեր դեմ է: Լավատեսության եւ դրական մտածողության հետ մեկտեղ ներքոնշյալ օգտակար խորհուրդները կօգնեն ձեզ միշտ անկեղծ ջանքեր գործադրել, մինչեւ սովորեք դառնալ լավատես եւ տեսնեք սպասելի արդյունքը:
Ինչու՞ դուք պետք է լավատես լինեք
Մարդկանց համար կարեւոր է տեսնել եւ հասկանալ իրավիճակները, որոնք հնարավոր է փոխել, եթե իրենք լավատես մնան: Մտածեք եւ հիշեք, թե ինչպիսին էր կյանքը բարդ ժամանակներում, իսկ հիմա կյանքը ձեզ իրոք լավ հնարավորություններ է պարգեւել՝ շնորհիվ այն բանի, որ դուք պահպանել եք լավատեսությունը: Չէ՞ որ հենց դրանում է պատճառը, որի շնորհիվ դուք հասել եք ցանկալի արդյունքների: Ջանացեք պարզել պատճառը, դա հասկանալը կտա այն հարցի պատասխանը, թե ինչու պետք է դուք լավատես դառնաք: Հետո գիտակցությունն ինքն է սկսում աշխատել ձեր օգտին, քանի որ լավատես լինելը միայն ձեր օգտին է:
Հավատացեք, որ դուք կարող եք կառուցել ձեր ապագան
Կյանքը բարդ ժամանակներում սովորաբար ճնշում է ձեր մարտական ոգին՝ տրամադրելով այն բանին, որ ապագայում էլ ձեզ միայն վատ բաներ են սպասում: Նման պահերին սթրես է առաջանում, բայց դուք պետք է հավատաք ձեր ուժերին: Ինչ-որ բանին կամ ինչ-որ մեկին հավատալը ստիպում է ոգեւորվել, ինչպես նաեւ պարզում է, թե որքանով եք դուք վստահ ձեր ուժերին: Հավատը գործում է լավատեսության նման, եւ սա դրա առաջացման առավել կարեւոր մասն է:
Հենց հիմա մտածեք այն մասին, թե ինչ կարող եք փոխել ձեր շուրջը դեպի լավը: Մի՛ դատեք ձեր հնարավորությունները, պարզապես արե՛ք դա: Հավատացեք, հնարավոր է կառուցել ապագան այնպես, ինչպես դուք եք ուզում, եւ եթե ինչ-որ բան այնպես չգնա, միշտ էլ ժամանակ կա դա փոխելու համար:
Փնտրեք ձեռքբերման իմաստը
Երբ ինչ-որ բանի հասնում ենք, գիտենք, որ դա կարող ենք կրկին անել, թեկուզ եւ դժվար ժամանակներ ենք վերապրում: Ձեռքբերման այդ զգացումը մեզ հուշում է, որ կարող ենք հասնել նրան, ինչ ցանկանում ենք: Այն ցուցադրում է ինչ-որ բան անելու մեր ընդունակությունը: Դա ինչ-որ իմաստով մեզ մոտիվացնում է: Ջանացեք ցանկացած գործ ավարտին հասցնել եւ այն որքան հնարավոր է լավ իրականացնել: Փնտրեք ձեզ երջանիկ դարձնող իրեր, որոնք ձեզ հետաքրքրում են, եւ եթե ինչ-որ բան այնպես չստացվի, կկարողանաք ամեն ինչ ուղղել:
Իրեր լավատեսի համար
Կազմեք այն կարեւոր իրերի ցանկը, որոնք ձեզ համար թանկ են եւ սրտամոտ: Բացառված չէ, որ այդ ցանկի մեջ մտնեն մարդիկ եւ նույնիսկ ընտանիքի անդամներ: Նաեւ կազմեք ձեր ձեռքբերումների ցանկը: Ամեն անգամ, երբ զգում եք, որ դժվար պահերին կյանքը ձեզնից երես է թեքում ձեր հանդեպ անարդարացի իրավիճակներ եւ հանգամանքներ ստեղծելով, ընթերցեք այդ ցանկը, որ ամեն օր երջանիկ լինեք: Կհարցնեք՝ դա ի՞նչ նպատակ ունի: Տվյալ ցանկը, որը միայն դուք եք կազմել, ձեզ կհիշեցնի, թե ինչպես եք ապրել անցած տարիների ընթացքում: Չէ՞ որ երջանիկ լինելու այնքան պատճառներ կան, հետեւաբար՝ թող ոչ մի վատ իրադարձություն կամ արտահայտություն ձեր կյանքի վրա չներգործի:
Ոգեշնչման որոնում
Լավատես դառնալու լավագույն միջոցներից մեկը ոգեշնչում գտնելն է, մեզանից յուրաքանչյուրի համար դրանք տարբեր իրեր ու մարդիկ են: Ոգեշնչումը ի վիճակի է հրաշքներ գործելու եւ հաշված վայրկյանների ընթացքում փոխելու մարդու մտքերը: Ընթերցեք այն մարդկանց մասին պատմությունները, որոնք փորձությունների միջով են անցել, բայց հաջողության են հասել, քանի որ իրենց հավատացել են եւ հոգով ուժեղ են եղել: Համոզված ենք, որ մեծ թվով այդպիսի գրքեր եւ պատմություններ կան, դրանք կօգնեն զանազան իրավիճակները կողքից դիտելուն եւ սեփական հնարավորությունները գնահատելուն եւ անկասկած լուծում գտնելուն:
