Տպել
Նրանք բոլորի հանդեպ ավելի բարի են դառնում
Երբ դուք հանդիպում եք ընկերներից կամ հարազատներից մեկին, որը վերջերս է սիրահարվել, դուք նկատում եք, որ նա ընդհանուր առմամբ ավելի հաճելի է դարձել, եթե իհարկե նրա հարաբերություններում ամեն ինչ լավ է։ Բայց եթե նրան փոխադարձությամբ չեն պատասխանում կամ կան որեւէ այլ դժվարություններ, ուրեմն պատրաստ եղեք, որ նա անընդհատ կխոսի այդ մասին։
Նա ավելի լավ է հետեւում իր արտաքինին
Բնականաբար սիրահարները ուզում են հնարավորինս գրավիչ լինել իրենց սիրո օբյեկտի համար, դրա համար էլ այդ ուղղությամբ շատ ջանքեր են գործադրում։ Կանայք թարմացնում են զգեստապահարանը ու սովորում են շպարի նրբությունները, տղամարդիկ հաճախում են մարզասրահ ու սկսում են ավելի կոկիկ հագնվել։
Նրանք ավելի շատ են մտածում ապագայի մասին
Երբ մենք հարաբերությունների մեջ չենք՝ ապագայի մասին հաճախ չենք մտածում, թողնում ենք ինքնահոսի։ Բայց երբ հայտնվում է մեկը, որի հետ մենք կարողանում ենք պատկերացնել մեր կյանքը, մենք միանգամից սկսում են ծրագրել մեր հարսանիքը, համատեղ երեխաները, բնակարանի կահավորումը, անգամ մտածում, թե ինչ ենք անելու թոշակի անցնելուց հետո:
Նրանք ձեռք են բերում նոր հետաքրքրություններ ու նախասիրություններ
Ձեր ընկերուհին սիրահարվել է մի տղամարդու, որը պաշտում է թատրոնը, ու մեկ էլ հանկարծ՝ նա է՞լ է թատերասեր դարձել։ Այո, դա կարող է մի քիչ զայրացնել, բայց իրականում դա լավ է, հատկապես նրանց համար, ում հետաքրքրությունների շրջանակը մինչ այդ նեղ էր ։
Նրանք ավելի առույգ են դառնում
Սովորաբար մեր ուժերը հազիվ են բավականացնում, որպեսզի տուն գանք ու ճաշ պատրաստենք։ Բայց երբ սիրահարված ենք՝ ապա պատրաստ ենք ժամերով կանգնել հայելու առջեւ, երկար մնալ աշխատավայրում ՝ միայն թե պատահաբար նրան տեսնելու հնարավորություն ունենանք, հավաքել բնակարանը նրա գալուց առաջ կամ էլ զբոսնել մինչեւ ուշ երեկո, որպեսզի միասին ավելի շատ ժամանակ անցկացնենք։
