Տպել
Սպիտակ հացը կարող է տրանսճարպեր պարունակել, ուստի այս մթերքը կարող է վտանգավոր լինել ուղեղի համար եւ նույնիսկ դեմենցիայի զարգացման հանգեցնել։ Նման կարծիք է հայտնել սննդաբան Ելենա Սոլոմատինան (Ռուսաստան)։
Ինչպես հայտնում է «Մոսկվա 24»-ը, հացն ընտրելիս մասնագետը խորհուրդ է տալիս ուշադիր ուսումնասիրել դրա բաղադրությունը։ Եթե դրա մեջ մարգարին կա, ավելի լավ է այլ հաց ընտրել։
Բացի այդ, սպիտակ հացը շաքար է պարունակում, որը բարձրացնում է արյան մեջ գլյուկոզի մակարդակը, եւ դա եւս մեկ պատճառ է դրանից հրաժարվելու համար։
«Սա այն դեպքում, երբ արյան մեջ շատ շաքար կա, եւ այն կլողա այնտեղ, իսկ ինսուլինն այլեւս չի կարող այն քաշել բջիջների մեջ: Այս դեպքում այդ շաքարը սկսում է բառացիորեն կոռոզիայի ենթարկել արյան անոթների պատերը»,- ասել է Սոլոմատինան:
Խոլեստերինի բարձր մակարդակի ֆոնին աթերոսկլերոտիկ վահանիկներ կառաջանան, եւ արյունը չի կարողանա նորմալ շրջանառվել։ Արդյունքում դա ճնշման բարձրացման կհանգեցնի, իսկ վնասված անոթները չեն կարողանա պատշաճ կերպով արյունը թթվածնով ապահովել, իսկ ուղեղի բջիջները կսկսեն մահանալ, պարզաբանել է բժիշկը։
Սննդաբանը խորհուրդ է տալիս նախապատվությունը տալ ամբողջական հացահատիկային հացին, որը, ի տարբերություն սպիտակի, առողջ մանրաթելեր ունի:
