Տպել
2014 թվականից ի վեր չափազանց բարձր ջերմաստիճաններ են դիտվել համաշխարհային օվկիանոսների կեսից ավելիում, 2019 թվականին «ջերմային ալիքներ» են դիտվել օվկիանոսի մակերևույթի 57%-ի վրա, ասվում է Մոնթերեյ Բեյի Օվկիանարիումի (ԱՄՆ) գիտնականների ուսումնասիրության մեջ, որը հրապարակվել է 2019թ. PLOS Climate ամսագրում:
Ամերիկացի գիտնականները վերլուծել են օվկիանոսի մակերևույթի ջերմաստիճանի տվյալները վերջին 150 տարվա ընթացքում։
«Առաջին տարին, երբ օվկիանոսի 50%-ից ավելին զգաց ծայրահեղ ջերմաստիճաններ, 2014-ն էր: Այս միտումը շարունակվեց հետագա տարիներին՝ 2019-ին հասնելով օվկիանոսի 57%-ին: Մինչդեռ 19-րդ դարի վերջում օվկիանոսի մակերեսի միայն 2%-ն է զգացել չափազանց բարձր ջերմաստիճան», – ասվում է ուսումնասիրության մեջ։
Ինչպես նշվում է հոդվածում, 2014 թվականը պետք է ճանաչվի որպես «անվերադարձ կետ» օվկիանոսի վիճակի համար։ Ավելին, «ջերմային ալիքները» Հարավային Ատլանտյան օվկիանոսի համար նորմա են դարձել 1998 թվականին, իսկ Հնդկական օվկիանոսի համար՝ 2007 թվականին։ Ամենամեծ աճը՝ նախորդ դարի համեմատ 5,3 անգամ, եղել է Արկտիկայում «ջերմային ալիքների» ենթակա օվկիանոսի մակերեսի աճը։
Հոդվածի հեղինակները նշում են, որ օվկիանոսում «ջերմային ալիքները» կազդեն նրա էկոհամակարգի վրա։ Ընդհանրապես ընդունված է, որ տաքացումը և դրա հետևանքները մոլորակի համար ապագա իրադարձություններ են, սակայն, ըստ ուսումնասիրության արդյունքների, սա արդեն այսօրվա հարց է։
