Տպել
Ալկոհոլը ոչ միայն չի օգնում քնել, այլ, ընդհակառակը, վատացնում է քնի որակը։ Նման եզրակացության են եկել Ֆինլանդիայից հետազոտողները՝ ավելի քան 30 տարի տեւած ուսումնասիրությունից հետո:
Հետազոտությունը ցույց է տվել, որ ալկոհոլի չարաշահումը վատացնում է մարդու քնի որակը, ինչը նրան ավելի խոցելի է դարձնում ֆիզիոլոգիական եւ հոգեբանական խանգարումների նկատմամբ։
Հետազոտությանը մասնակցել են 1945-1957թթ․ ծնված գրեթե 14 000 միաձվանի երկվորյակներ: Նրանց հետեւել են երկար տարիներ։ Առաջին փորձաքննությունն իրականացվել է դեռեւս 1975 թ․ ,ապա 1981, 1990 եւ 2011թ․։
Կամավորներին բաժանել են առատ խմողների, չափավոր խմողների, թույլ խմողների եւ սթափերի։ Շատ խմողներն օգտագործել են շաբաթական ավելի քան 7 չափաբաժին (կանայք) եւ 14-ը՝ տղամարդիկ։
Հետազոտության արդյունքները ցույց են տվել, որ ալկոհոլի օգտագործումը կապված է քնի որակի նվազման հետ։ Ալկոհոլի չափավոր օգտագործումը եւ չարաշահումը նախորդել են քնի երկարատեւ խնդիրներին: Ուստի ալկոհոլը ամենեւին էլ քնաբեր չէ, այլ, ընդհակառակը, հակառակ ազդեցությունն է ունենում։
