Տպել
Պելմենները, որոնք պատրաստում են մսից եւ խմորից եւ մատուցվում են թթվասերով ու համեմունքներով, շատ կալորիական են, այդ իսկ պատճառով դրանք պետք չէ չարաշահել: Այս մասին նախազգուշացրել է գաստրոէնտերոլոգ եւ սննդաբան Իրինա Բերեժնայան (Ռուսաստան):
«Եթե պելմենները միջին չափսի են, ապա տաս հատը լիակատար ճաշ է: Նման բաժինը մոտ 600 կիլոկալորիա է պարունակում: Դա մեծ չափաբաժին է»,- ասել է նա:
Նրանց, ում համար օրական տաս պելմենը քիչ է, սննդաբանը խորհուրդ է տվել նախապատվությունը տալ ավելի քիչ կալորիական պելմեններին, որոնցում մսից բացի նաեւ բանջարեղեն կա: Դա, նրա խոսքով, չի վնասի ուտեստի համին եւ հնարավորություն կտա ավելացնել ուտելիքի բաժինը, որը կարելի է օգտագործել մեկ օրվա ընթացքում:
«Եթե պելմենները տանն եք պատրաստում, ապա կարելի է դրանցում գազար, դդմիկ, բրոկկոլի եւ սոխ ավելացնել: Պետք չէ նվազեցնել մսի քանակը բանջարեղենի հաշվին»,- ասել է մասնագետը:
