Տպել
Գիտնականները հետազոտություն են անցկացրել, որի արդյունքները պարզել են, որ եթե մարդիկ հեռուստացույց դիտեն օրական մեկ ժամից ոչ ավել, ապա հնարավոր կլինի ազատվել սրտի իշեմիկ հիվանդության դեպքերի 11 տոկոսից, գրում է UPI-ը։
Չնայած նստակյաց կենսակերպը կամ երկարատեւ նստելը նախկինում կապված է եղել սրտի իշեմիկ հիվանդության հետ, այս հետազոտության ընթացքում ուշադրություն է դարձվել էկրանի առաջ նստելուն, ներառյալ հեռուստացույց դիտելը եւ հանգստի ժամանակ համակարգիչ օգտագործելը:
Գիտնականները նաեւ հաշվի են առել մարդու ԴՆԹ-ն։
«Մեր ուսումնասիրությունը ուժեղ ապացույցներ է տալիս հեռուստացույց դիտելը սահմանափակելու հնարավոր դերի մասին սրտի իշեմիկ հիվանդության կանխարգելման գործում», – ասել է Հոնկոնգի համալսարանի հանրային առողջության դպրոցի դոցենտ Յանգվոն Քիմը:
Հետազոտողները պարզել են, որ ավելի բարձր պոլիգենային ռիսկի միավորներ ունեցող մարդիկ (անհատական գենետիկական ռիսկ) գտնվում են սրտի կորոնար հիվանդության զարգացման ամենաբարձր ռիսկի ներքո։
Մարդիկ, որոնք օրական չորս ժամից ավելի հեռուստացույց են դիտում, ամենաբարձր ռիսկի խմբում են եղել՝ անկախ նրանց գենետիկ ռիսկի միավորից։
Նրանց մոտ, ովքեր օրական մեկ ժամից պակաս հեռուստացույց են դիտել, այս ցուցանիշը 16 տոկոսով ցածր է եղել։
