Տպել
Կարո՞ղ եք արդյոք տարբերել խեղդվող մարդուն լողափում կամ լողավազանում եւ միջոցներ ձեռնարկել նրան փրկելու համար: Խեղդվողներին փրկելու հրահանգների մասին պատմել է Medical Xpress-ը:
«Նույնիսկ ամենափորձառու լողորդները կարող են վտանգի մեջ հայտնվել, եթե եղանակը վատ է, հոսանքն ուժեղ է կամ ջրի մեջ արտակարգ իրավիճակ է տեղի ունեցել»,- նշել է Շտապ օգնության բժիշկների ամերիկյան քոլեջի (ACEP) նախագահ դոկտոր Ջիլիան Շմիցը: «Խեղդվելու դժբախտ պատահարների մեծ մասը կանխարգելելի է, սակայն ողբերգության համար ընդամենը մի քանի վայրկյան է պահանջվում»,- պատմել է մասնագետը:
Հասկանալ, որ ինչ-որ մեկը խեղդվում է, երբեմն դժվար է, ուստի ACEP-ը նկարագրել է հետեւյալ նշանները.
– Ճոճվելը կամ տեղում լողալը
– Գաց բերանով գլուխը հետ է շպրտվել
– Գլուխը ջրի մեջ է, բերանը՝ ջրի մակարդակին
– Մեջքի վրա շրջվելու փորձեր
– Հիպերվենտիլացիա կամ շնչահեղձություն
– Մազեր ճակատի կամ աչքերի վրա
– Ապակյա եւ դատարկ աչքեր, չեն կարողանում կենտրոնանալ կամ փակ են:
Եթե թվում է, որ ինչ-որ մեկը խեղդվում է ջրում, անմիջապես քայլեր ձեռնարկեք: Օգնություն խնդրեք փրկարարից կամ զանգահարեք 911: Մի փորձեք փրկել խեղդվողին, եթե դուք նույնպես ջրի մեջ եք, եթե դա անելու համար պատրաստված չեք: Խեղդվողները կարող են խուճապի մատնվել եւ փորձել ջրի տակ քաշել բոլոր նրանց, ովքեր մոտակայքում են, բացատրում է ACEP-ը:
Փոխարենը լողացող առարկա ձգեք կամ նետեք դեպի մարդը։ Երբ նա ջրից ապահով հեռավորության վրա է, գլուխը հետ թեքեք, բարձրացրեք կզակը եւ ստուգեք շնչառությունը: Շրջեք մարդուն կողքի վրա, որպեսզի օգնեք դուրս բերել ջուրը: Եթե նա չի շնչում, ցանկացած վերապատրաստված անձ պետք է սկսի արհեստական շնչառություն տալ նախքան առաջին օգնության ժամանումը:
Հիշեք հետեւյալ քայլերի մասին.
– Միշտ պատասխանատու մեծահասակի նշանակեք, որը կհսկի երեխաներին ջրի մեջ կամ մոտակայքում
– Հեռացրեք բոլոր չամրացված խաղալիքները լողավազանի տարածքից՝ սայթաքելու վտանգը նվազեցնելու համար
– Խաղալիքները որպես լողացող միջոցներ մի օգտագործեք: Լճերում, գետերում կամ օվկիանոսներում փրկարարական բաճկոններ օգտագործեք, հատկապես՝ երեխաների եւ թույլ լողորդների համար:
– Բնական ջրերում լողալու ժամանակ զգուշացեք թաքնված վտանգներից, ինչպիսիք են ուժեղ հոսանքները, սուր ժայռերը կամ բուսականությունը
– Ջուր մտնելուց առաջ միշտ ստուգեք եղանակի կանխատեսումը
– Ջրային ժամանցից առաջ կամ ընթացքում, ինչպես նաեւ երեխաներին հետեւելու ժամանակ ոգելից խմիչքներ մի օգտագործեք
– Հիվանդություն ունեցող կամ որոշակի դեղամիջոցներ ընդունող մարդկանց համար կարող են լրացուցիչ նախազգուշական միջոցներ անհրաժքշտ լինել:
