Տպել
Նեյրոէնդոկրինոլոգ Յուրի Պոտեշկինը նշել է, թե շոգին օրական որքան ջուր պետք է խմեն տարեց մարդիկ, տեղեկացրել է «Газета.ру»-ն։
Մասնագետի խոսքով՝ ջրազրկման վտանգը թոշակառուների համար ավելի մեծ է, քան երիտասարդների կամ միջին տարիքի մարդկանց։ Նրա խոսքով՝ որքան ավելի մեծ է մարդը, այնքան ավելի քիչ է ծարավ զգում, տեղեկացրել է Москва 24-ը։
Մեծ Բրիտանիայի Տարեց մարդկանց աջակցության Age UK բարեգործական կազմակերպությունը խորհուրդ է տալիս օրական խմել 6-8 բաժակ ջուր՝ 200-ական գրամով, տեղեկացրել է նեյրոէնդոկրինոլոգը։
«Որպեսզի տարեց մարդիկ ստիպված չլինեն հաշվել 6-8 բաժակը, կարելի է պարզապես օրական 2 բաժակ ավելի ջուր խմել, քան ցանկանում են»,- խորհուրդ է տվել բժիշկը։
Բժիշկը նախազգուշացրել է, որ ջրազրկումը կարող է ունենալ հետեւյալ հետեւանքները.
- խնդիրներ հիշողության հետ կապված,
- կենտրոնացման հետ կապված խնդիրներ,
- արձագանքման դանդաղում,
- թուլություն,
- փորկապություն։
