Նշվել են ժեստեր, որոնք վատ տպավորություն են թողնում զրուցակցի վրա

Երբեմն ժեստերի լեզուն թյուրիմացություն է առաջացնում և վատ տպավորություն է թողնում դիմացինի վրա։ Այն մասին, թե որ ժեստերը կարող են վանել, հրապարակվել է Times of India կայքում:

Նյարդայնությունը և անինքնավստահությունը ազդարարվում են զրույցի ընթացքում դեմքին հպվելով:

Շատերը մատներն ու ձեռքերը խաչելու սովորություն ունեն։ Այս ժեստը երբեմն կարելի է ընկալել նաև որպես հուզմունքի կամ կասկածի դրսևորում։

Ձեռքերը մեջքի հետևում պահելը կարելի է ընդունել որպես նշան, որ զրուցակիցը չի ողջունում հետագա շփումը։

Անորոշ կամ անհանգիստ տեսք ունեն նրանք, ովքեր կանգնած են ոտքերը խաչած: Կեցվածքը պաշտպանական է, հատկապես, երբ խոսողը ոտքերը խաչում է զրույցի կեսին:

Պատրաստեց Անի Գաբուզյանը

Լուսանկարը՝ Pexels/SHVETS production