Մահացել է Բեթմենին հնչյունավորող դերասան Քևին Քոնրոյը

Ամերիկացի դերասան Քևին Քոնրոյը, ով շուրջ 30 տարի հնչյունավորել է Բեթմենին անիմացիոն սերիալներում և տեսախաղերում, մահացել է 66 տարեկան հասակում։ Այս մասին հայտնում է TMZ-ը՝ հղում անելով նրա ներկայացուցչին։ Նրա խոսքով՝ Քոնրոյը քաղցկեղ ուներ։

Նա առաջին անգամ հնչյունավորել է Բեթմենին համանուն անիմացիոն սերիալում, որը ցուցադրվել է 1992-1995 թվականներին։ Քոնրոյը խաղացել է Բրյուս Ուեյնի դերը Բեթմենում՝ Arkham Asylum, Arkham City, Arkham Knight և այլ խաղերում։ Նա նաև խաղացել է տարեց Բեթմենի դերը The Flash հեռուստասերիալում։