Տպել
Գրգռված վիճակում տղամարդիկ եւ կանայք պահպանում են ինքնատիպ հավատը գեղեցիկ սեռի ներկայացուցիչների դիմադրության հանդեպ: Ավելի կոնկրետ ասած՝ գաղափարն այն է, որ կանանց «ոչ»-ը միշտ չէ, որ «ոչ» է նշանակում, եւ նրանք երբեմն զուգընկերոջ մտերմության առաջարկը հենց սեռական խաղի նպատակով են մերժում: Այսպիսի եզրակացության են եկել Օկլահոմա Սիթիի համալսարանի հոգեբանները, նրանց հետազոտության արդյունքները հրապարակվել են Journal of Social Psychology ամսագրում։
Մասնագետներն առցանց հարցում են անցկացրել 716 հետերոսեքսուալ կամավորների շրջանում, հարցվածների 72,6%-ը կանայք են եղել։ Նրանց խնդրել են գրգռված վիճակում մի կարճ պատմություն գրել սեռական երեւակայությունների մասին, իսկ հետո գրել ամենաձանձրալի ժամադրության մասին: Նաեւ փորձի մասնակիցներին խնդրել են նույն երկու պատմությունները գրել հանգիստ վիճակում, բայց հակառակ հերթականությամբ։ Միաժամանակ, հետազոտության շրջանակներում նրանց հարցրել են, թե հավատում են արդյոք կանանց դիմադրությանը խաղային ձեւով:
Գրգռված տղամարդիկ եւ կանայք հաճախ են գրել, որ հավատում են գեղեցիկ սեռի ներկայացուցիչների սիմվոլիկ անհասանելիությանը։ Հարցին, թե քանի անգամ աղջիկը պետք է «ոչ» ասի, գրգռված վիճակում հարցվածներն ավելի մեծ թիվ են նշել, քան հանգիստ վիճակում գտնվողները: Այսպես, կանանց 43%-ը հավանություն է տվել տղամարդկանց կողմից համառությանը, մինչդեռ տղամարդկանց մոտ այդ ցուցանիշը կազմել է 33%: Հանգիստ վիճակում նման գործելակերպին հավանություն է տվել կանանց միայն 34%-ը եւ տղամարդկանց 26%-ը։
