Տպել
Շոտլանդացի դերասան Ջերարդ Բաթլերը պատմել է, որ «Կործանում» ֆիլմի նկարահանումների ժամանակ պատահաբար այրել է դեմքը ֆոսֆորաթթվով։ Այս մասին հայտնում է NME-ն։
Նոր թրիլլերում օդաչու Բրոդի Թորենսի դերը խաղացած դերասանը պատմել է մի դեպքի մասին, որն իր հետ տեղի է ունեցել այն տեսարանի նկարահանումների ժամանակ, որտեղ Բաթլերի հերոսը փորձում է կորգավորել անսարք արգելակը թռիչքից առաջ։
«Ինչ էլ անեմ, հաջողացնում են վնասել ինձ»,- բողոքել է դերասանը։
Բաթլերի խոսքով՝ ինքը չի հասկացել, թե ինչ հեղուկ է իր առջև նկարահանման հրապարակում։ Նա նաև հավելել է, որ Պուերտո Ռիկոյում շոգ օր է եղել, և ինքը շատ է քրտնել։
«Ես տրորեցի դեմքս և հանկարծ այն (թթուն) կոկորդիս մեջ հայտնվեց, հետո՝ բերանումս, քթումս, աչքերումս»,- պատմել է նա։
Հեղուկը, որով դերասանը աշխատել է, պարզվել է, որ ֆոսֆորաթթու է։
«Ուղղակի ողջ-ողջ այրվում էի»,- հավելել է նա՝ նշելով, որ ցավը տևել է մի քանի ժամ։
