Տպել
Ռումինիայի Սոցիալ-դեմոկրատական կուսակցության պատգամավոր Ալբերտո Իոսիֆ Կարայանը հրաժարական է տվել այն բանից հետո, երբ փետրվարի 24-ին մոռացել է անջատել իր համակարգչի տեսախցիկը և Սոցիալ-դեմոկրատական կուսակցության առցանց հանդիպման ժամանակ կադրում հայտնվել է մերկ վիճակում։ Այս մասին հայտնում են կուսակցության մամուլի ծառայությունից։
Կարայանն իր հերթին ներողություն է խնդրել այս միջադեպի համար՝ Facebook-ում հայտարարություն հրապարակելով։
«Տեխնիկան նախկինի պես դաժան կատակներ է խաղում։ Ցավոք սրտի, շտապողականությունն իր խոսքն ասաց։ Ներողություն եմ խնդրում տհաճ միջադեպի համար»,- գրել է պատգամավորը։
