Տպել
Ոտքերի մկանների ջղաձգումները կարող են այնքան ուժգին ցավոտ զգացողություններ առաջացնել, որ մարդը կդժվարանա հենվել տվյալ վերջույթի վրա, սակայն օստեոպաթ Ալես Ուլիշչենկոն իր թելեգրամյան ալիքում ներկայացրել է մի քանի պարզ խորհուրդ, որոնք կօգնեն կանխել նման խնդրի զարգացումն ու մեղմել տհաճ զգացողությունները։
Մասնագետի խոսքով՝ ջղաձգումների դեպքում առաջին հերթին հարկավոր է նստել և ձեռքով բռնել ոտնաթաթը, որից հետո հարկավոր է ձգել ոտքի մատները դեպի ծնկներն ու լավ մերսել ջղաձգված մկանը։
«Եթե մկանը ջղաձգվում է ջրի մեջ կամ անկողնում եղած ժամանակ, ապա հարկավոր է ձգել այն՝ ոտքի մատները դեպի ձեզ ձգելով», – նշել է Ուլիշչենկոն՝ հավելելով, որ ջղաձգումների դեմ պայքարի արդյունավետ միջոց կարող են լինել նաև մերսումն ու կոնտրաստային ցնցուղը։
Այնուամենայնիվ, եթե ջղաձգումները հաճախակի բնույթ են կրում, ապա հարկավոր է անպայման դիմել բժշկին ու որոշակի հետազոտություններ անցնել դրանց պատճառը պարզելու համար։
