Տպել
Առավոտյան մեկ բաժակ կիտրոնով ջուրը լավ զգալու ամենահայտնի խորհուրդներից է, եւ ոչ միայն իր մաքրող հատկության պատճառով: Դրա օգուտները դուրս են գալիս պարզ դետոքսիկացիայից։
«Կիտրոնն օգնում է սկսել մարսողական գործընթացը առավոտյան»,- Vogue-ին ասել է սննդաբան Լաուրա Պարադան: Ըստ նրա խոսքերի՝ կիտրոնն օգնում է պայքարել մարսողության, այրոցի եւ փքվածության դեմ: Բացի այդ, հայտնի է, որ կիտրոնը խթանում է լեղու եւ ստամոքսային հյութերի արտադրությունը, հետեւաբար, կարող է կանխել գազերի առաջացումը:
«Այն ամրացնում է իմունային համակարգը», – ասում է Պարադան՝ նկատի ունենալով կիտրոնի հյութում վիտամին C-ի բարձր պարունակությունը: Բացի այդ, այն նաեւ հարուստ է վիտամին B-ով, կալցիումով, երկաթով, մագնեզիումով, կալիումով եւ ֆերմենտներով:
Կիտրոնով ջուրը նաեւ օգտակար է մաշկի համար՝ իր հակաօքսիդանտների բարձր պարունակության պատճառով, որոնք «կանխում են ազատ ռադիկալների վնասումը»։
Այն խոնավեցնում է օրգանիզմը եւ հատկապես առավոտյան՝ դատարկ ստամոքսին, նյութափոխանակությունը խթանելու արդյունավետ միջոց է։
«Կիտրոնով ջուրը բարելավում է աղիների տրանզիտը եւ խոնավեցնում հաստ աղիքը», – ասում է Պարադան, ուստի այն կարող է օգնել փորկապության դեպքում, հատկապես, երբ առավոտյան դատարկ է: Բացի այդ, մանրաթելերով հարուստ կիտրոնը նաեւ նպաստում է աղիքների առողջությանը:
Հիշեք՝ ջուրը պետք է լինի տաք, ոչ եռման կամ սառը:
Պարադան ընդգծել է՝ կարեւոր է, որ ջրի ջերմաստիճանը լինի տաք, ոչ թե եռման, քանի որ «լինելով նույն ջերմաստիճանը, ինչ մեր մարմինը, այն շատ ավելի արագ է ներծծվում, քանի որ այն մարսելու համար ջերմաստիճանը իջեցնելու կարիք չունի»։
