Տպել
Վենետիկի կինոփառատոնի սենսացիաները շարունակվում են: 73 –րդ կինոփառատոնի կարմիր գորգուղու աստղերը, որոնք այցելել էին Մել Գիբսոնի նոր «Խղճի մտոք» (Hacksaw Ridge) ֆիլմի պրեմիերային, ավարտին՝ ըստ Deadline-ի՝ 10 րոպե շարունակ ծափահարում էին, իսկ դերասաններին ու ռեժիսորին հրավիրել էին բեմ բարձրանալ: Ֆիլմը ներկայացնում է իրական պատմություն, պատերազմի հերոս, Պատվո մեդալի արժանացած շարքային Դեսմոնդ Թ. Դոսսի մասին։ Իր կրոնական համոզմունքներից ելնելով նա հրաժարվել է զենք կրել և հակառակորդին սպանել, ինչի պատճառով տեղափոխվել է բուժմաս)։
Նման հաջողություն 60-ամյա Մել Գիբսոնի ֆիլմի համար ոչ ոք չէր կանխատեսել:
Մի քանի պարբերականներ միանգամից գնահատել էին Գիբսոնի ֆիլմը՝ հայտնելով, որ այն կարող է համարձակորեն հավակնել «Օսկարի»՝ «Լավագույն ռեժիսոր» անվանակարգում:
Ֆիլմը համաշխարհային վարձույթում կհայտնվի այս տարվա նոյեմբերին։
