Տպել
Տևական ժամանակ է՝ «Շանթ» հեռուստաընկերությունը կրկնում է «Կասկածելի երեկո» հաղորդման հին թողարկումները: Խոսակցություններ են տարածվել, որ հաղորդումը փակվել է:
«Շանթ» հեռուստաընկերության PR մենեջեր Ծովինար Կարապետյանը Tert.am Life-ի հետ զրույցում ասաց, որ «Կասկածելի երեկոն» չի դադարեցրել գործունեությունը: Գարիկը, Ռոբը և հաղորդման ստեղծագործական թիմն այժմ աշխատում են նոր հաղորդումների վրա: Նկարահանումները շուտով կսկսվեն: Նախագծի նոր եթերաշրջանը կհեռարձակվի գարնանը:
«Մարտին արդեն եթերում կլինեն «Կասկածելի երեկոյի» նոր թողարկումները: Հաղորդման մեջ փոփոխություններ չեն նախատեսվում, բաժիններ չեն ավելանալու կամ պակասելու: Կլինեն նոր հյուրեր, հետաքրքիր ու զավեշտալի իրավիճակներ, որոնք ինքնին կապահովեն հաղորդման թարմությունը»,- ասաց Ծովինարը:
