Տպել
Առօրյա սովորություններից մի քանիսը կարող են լրջորեն վնասել մեր սմարթֆոններին՝ կրճատելով դրանց «կյանքի» տևողությունը։ Շատ դեպքերում մենք նույնիսկ չգիտենք այս սովորությունների վնասակարության մասին։
Ծայրահեղ ջերմաստիճաններ
Mobile Research Group-ի առաջատար վերլուծաբան Էլդար Մուրթազինի կարծիքով՝ բավականին վտանգավոր է սմարթֆոնն օգտագործել ծայրահեղ ջերմաստիճանների դեպքում՝ թե տաք, թե սառը։ Ավելին, սարքի համար վտանգավոր է նաև օդի բարձր խոնավությունը։
«Ցանկացած ծայրահեղ ջերմաստիճան այնքան էլ լավ չէ սմարթֆոնի համար, ինչպես մարդու համար: Ծայրահեղ շոգին սարքը տաքանում է և ավելի արագ լիցքաթափվում: Երբ շատ ցուրտ է, այն նույնպես ավելի արագ է լիցքաթափվում։ Բարձր խոնավությունը նույնպես վտանգավոր է, վաղ թե ուշ այն սպանում է էլեկտրոնիկան»,- նշել է մասնագետը։
Ալկոհոլ և ախտահանիչ հեղուկներ
Մասնագետը նաև խորհուրդ չի տալիս սմարթֆոնի էկրանն ու միակցիչները սրբել սպիրտով և այլ ախտահանող հեղուկներով. սմարթֆոնի մակերեսին, իհարկե, շատ բակտերիաներ կան, սակայն դրանց դեմ պայքարի այս մեթոդի պատճառով թաղանթներն ու խոսափողները կարող են թրջվել եւ վնասվել։
Եթե ձեզ անհանգստացնում է սմարթֆոնի մակերեսին պոտենցիալ վտանգավոր միկրոօրգանիզմները, Մուրթազինը խորհուրդ է տալիս օգտագործել ուլտրամանուշակագույն ախտահանիչ:
Չափազանց շատ հավելվածներ
Մեծ թվով հավելվածների տեղադրումը կարող է վնասել սմարթֆոնին, իր հերթին նշել է Zecurion վերլուծական կենտրոնի ղեկավար Վլադիմիր Ուլյանովը։
«Ծրագրերի մեծ մասն այս կամ այն կերպ սպառում է որոշակի ռեսուրսներ, նույնիսկ եթե դրանք ոչ ակտիվ են: Նրանք օգտագործում են և՛ մարտկոցը, և՛ հիշողությունը հետին պլանում: Այս ամենը կարող է բացասաբար ազդել սմարթֆոնի աշխատանքի վրա։ Այն արագ է լիցքաթափվելու և դանդաղելու է»,- ասաց նա։
