Տպել
Ցանցում հայտնվել է հոլովակ, որում միավորել են այն 45 ֆիլմերի եզրափակիչ տեսարանները, որոնք «Օսկար» մրցանակի են արժանացել 1970 թվականից մինչև մեր օրերը: Տեսանյութը հրապարակված է Vimeo-ի Room 237 ալիքում:
Յուրաքանչյուր տասնամյակ ներկայացված է մի քանի կինոնկարով: Մոնտաժում հայտնվել են նաև այնպիսի ժապավեններ, ինչպիսիք են «Տիտանիկը», «Ֆորեսթ Համփը», «Կնքահայրը», «Գառների լռությունը» և «Բերդմենը»: Տեսագրությունն ուղեկցվում է «Լուսնի լույսը» ֆիլմից Նիկոլաս Բրիթելի The Middle of the World կոմպոզիցիայով:
Այս տարի «Օսկար»-ի հանձնման արարողությունը տեղի կունենա փետրվարի 26-ին Լոս Անջելեսում:
