Տպել
The Daily Mail–ը ներկայացրել է ֆոտոշարք, ռուս գործարար Անդրեյ Մելնիչենկոյի և նրա կնոջ՝ սերբուհի Ալեքսանդրա Նիկոլիչի մասնակցությամբ, որն ի դեպ ժամանակին եղել է «Միսս Հարավսլավիան»:
Ֆոտոշարքից ընտրեցինք միայն 44-ամյա ռուս միլիարդատիրոջը պատկանող, 2008-ին կառուցած և 320 մլն արժողությամբ զբոսանավի մասին հոլովակն ու նկարները:
Զբոսանավի անունը՝ «А» նավ է: Մեգազբոսանավը նախագծել է ֆրանսիացի դիզայներ Ֆիլիպ Սթարքը: Նավի երկարությունը 119 մետր է: Մելնիչենկոյի հսկայական, 240մ2 մակերեսով նավախուցը գտնվում է ամենավերևում: Դեպի նավախուց տանող զսպանակաձև աստիճանների բազրիքի համար միլիարդատերը 60 հազար դոլար է ծախսել:
Նշենք, որ ռուս օլիգարխին Արևմուտքում անվանում են «Պարարտանյութերի թագավոր»: Մելնիչենկոն զբաղեցնում է 11-րդ տեղը Forbes–ի ռուս միլիարդատերերի վարկանիշում ու 139-րդը՝ համաշխարհային վարկանիշում: Գործարարը Սիբիրի ածխային էներգետիկ ընկերության, «Եվրոքիմ» ԲԲԸ-ի ու Սիբիրի էներգետիկ ընկերության սեփականատերն է։
