Տպել
Անջելինա Ջոլին 2002-ից սկսած աշխատում է ՄԱԿ-ում: 41-ամյա հոլիվուդյան աստղը ՄԱԿ-ի փախստականների հարցերով գերագույն հանձնակատարի բարի կամքի դեսպանն է:
Սեպտեմբերի 8-ին դերասանուհին Լոնդոն է ժամանել մասնակցելու ՄԱԿ-ի խաղաղապահ առաքելությանը նվիրված գագաթնաժողովին, որտեղ հանդիպել է Մեծ Բրիտանիայի պաշտպանության շտաբի պետի տեղակալ գեներալ սըր Գորդոն Մեսենջերի, նաև Մեծ Բրիտանիայի պաշտպանության նախարարության քարտուղար Մայքլ Ֆալլոնի ու ԱՄՆ պաշտպանության նախարարի քարտուղար Էշ Քարթերի հետ, հաղորդում է The Daily Mail-ը:
Դերասանուհին ելույթ է ունեցել գագաթաժողովի՝ 80 երկրներից ժամանած մասնակիցների առջև, ասելով. «ՄԱԿ-ի խաղաղապահների հանդեպ վստահությունը հիմա խաթարված է: Պատճառը զորքերում զինվորականների կողմից իրենց ծառայակից կանանց, նաև տեղաբնակ կանանց ու երեխաների հանդեպ սեռական բռնության դեպքերի աճն է, որոնց մասին հայտնի է դառնում հասարակությանը: Ընդ որում, բռնացողները նրանք են, որոնք եկել են այդ մարդկանց պաշտպանելու: Եվ միայն ՄԱԿ-ի խաղաղապահների քանակի ավելացումով այս հասունացած խնդիրը հնարավոր չէ լուծել: Կարևոր է վերանայել խաաղապահ գործողությունների կազմակերպման կարգը՝ պաշտպանելու համար անպաշտպանների պատիվն ու արժանապատվությունը»:
Ջոլին շեշտել է, որ դրա համար անհրաժեշտ է նախևառաջ ընդլայնել խաղաղապահ ուժերի կանացի կազմը, որն այս պահին զինծառայողների ընդհանուր թվաքանակի միայն հինգ տոկոսն է կազմում:
