Տպել
ԱՄՆ-ում 2001 թվականի սեպտեմբերի 11-ին կատարված ահաբեկչական գործողությունների հետևանքով զոհվածների հարազատները դատի են տվել Սաուդյան Արաբիայի իշխանություններին մեղադրելով «Ալ Քաիդա» ահաբեկչական ցանցին աջակցելու մեջ: Ավելի քան 800 մարդու անունից կոլեկտիվ հայցը մարտի 20-ին ներկայացվել է Նյու Յորքի Մանհեթենի շրջանի համերկրային դատարան:
Ինչպես պնդում են հայցվորները, որոնց թվում կան նաև այդ գրոհներից տուժածներ, էր Ռիադը ֆինանսական ու նյութական այլ աջակցություն է ցուցաբերել «Ալ Քաիդա»-ին: Ինչպես նշվում է փաստաթղթում, Սաուդյան Արաբիայի իշխանությունները գիտեին ահաբեկչությունը կատարածներից առնվազն երեքին, որոնք այդ թագավորության հպատակներին էին և կապեր ունեին նշված ահաբեկչական ցանցի հետ:
Այդ կապակցությամբ հայցվորները պնդում են, որ առանց էր Ռիադի օգնության, սեպտեմբերի 11-ի ահաբեկչական գործողությունները չէին կարող իրականացվել: Այսպիսով, «Սաուդյան Արաբիան հայցվորների առջև պատասխանատվություն է կրում այն ամբողջ վնասի համար», որն իրենց հասցվել է այդ գրոհների հետևանքով, ներառյալ ստացված վնասվածքները, ինչպես նաև հարազատների ու մերձավորների զոհվելը, նշվում է դատարանին ներկայացված փաստաթղթում:
Հայցվորները խնդրում են դրամական փոխհատուցում գանձել Սաուդյան Արաբիայի իշխանություններից, որի չափը չի մատնանշվում:
Անցյալ տարվա սեպտեմբերին ԱՄՆ-ի Կոնգրեսը քվեարկել է այն օրինագծի օգտին, որը 2001 թվականի սեպտեմբերի 11-ի ահաբեկչական գործողությունների զոհերի ընտանիքներին թույլ է տալիս հայցեր հարուցել Սաուդյան Արաբիայի դեմ: Ավելի վաղ ԱՄՆ-ում քանիցս ենթադրություններ են արվել, որ թագավորության իշխանություններն աչք էին փակում «Ալ Քաիդա»-ի գործունեության վրա և նույնիսկ կարող էին կապեր ունենալ այդ խմբավորման հետ, ուստի մասամբ պատասխանատու են այդ ահաբեկչության համար:
էր Ռիադը ժխտում էր իր մեղսակցությունը, ինչպես նաև հայտարարում, որ կվաճառի հարյուր միլիարդավոր դոլարների իր ակտիվները Միացյալ Նահանգներում, որպեսզի թույլ չտա դրանց կալանում ամերիկացիների քաղաքացիների հայցերի գծով դատական որոշումների դեպքում, հաղորդել է ՏԱՍՍ-ը:
