Տպել
ԱՄՆ-ի Արիզոնայի նահանգի Փրեսքոթ քաղաքում վաճառվում է աշխարհում ամենաբարձր տունը, որը նախատեսված է մեկ ընտանիքի բնակության համար: Տասհարկանի առանձնատունը, որը կառուցվել է 1990-ական թվականներին և ստացել «Բազեի լեռնագագաթ» (անգլ. Falcon Crest) անվանումը, գնահատել են մեկուկես միլիոն դոլար, հաղորդում է Toptenrealestatedeals.com պորտալին:
Տան բարձրությունը հասնում է 38 մետրի: Առանձնատունը 1994 թվականին իր և իր ընտանիքի համար կառուցել է տեղացի ճարտարապետ Սուքումար Փոլը: Կառույցի լուսամուտներից բացվում է լեռներին նայող տեսարան…
«Բազեի լեռնագագաթը» ոչ միայն համարվում է աշխարհի ամենաբարձր մենատունը, այլև ամենաֆուտուրիստականներից մեկը: Տունն ունի 10 հարկ, երեք ննջարան, չորս տարբեր սենյակներ, 185 քառակուսի մետր մակերեսով արևաբուժարան, խոհանոց և ընդարձակ հյուրասենյակ: Շենքի ընդհանուր մակերեսը 576 քառակուսի մետր է:
