Տպել
Ռեժիսոր և պրոդյուսեր Ջերի Բրուքհայմերը, որը հայտնի է «Հանցագործության վայրը» (2000-2015 թթ.) հեռուստասերիալով և «Կարիբյան ծովի ավազակները» ֆրանշիզայով, ձեռնամուխ է եղել Հոլիվուդի ամենաբարդ նախագծերից մեկի իրականացմանը՝ «Մարդ-երկվորյակ» ֆանտաստիկ մարտաֆիլմի ստեղծմանը: Գլխավոր դերի համար հրավիրված է մեծ ժողովրդականություն վայելող սևամորթ դերասան Ուիլ Սմիթը: Այդ մասին ապրիլի 25-ին հայտնել է The Hollywood Reporter հանդեսը:
Հրատարակության տեղեկությունների համաձայն, Skydance կինոստուդիան բանակցություններ է վարում կատարողի հետ, պարտավորագրի պայմանները համաձայնեցվում են: Դերը 48-ամյա Սմիթից կպահանջի գերազանց ֆիզիկական պատրաստվածություն և դրա հետ մեկտեղ տարբեր տարիքի երկու մարդկանց մարմնավորելու կարողություն:
Skydance-ը նախագծի իրականացմանը ձեռնամուխ է եղել 2016 թվականի հոկտեմբերին: Նման քայլի համար հիմք է դարձել աներկբա վստահությունը նորագույն տեխնոլոգիաների ամենակարողության նկատմամբ:
