Շոկոլադե բատոն «Բաունտի». պատրաստեք տանը և վայելեք դրախտային հաճույք

«Բաունտին» շոկոլադե բատոն է՝ օրիգինալ, էկզոտիկ համով: «Բաունտին» ունի կոկոսե միջուկ, որը պատված է կաթնային շոկոլադով: Ընդամենը 1 կտոր «Բաունտի», և Դուք կհայտնվեք դրախտային կղզում՝ տաք ծովի ափին:

Ինչպե՞ս տանը պատրաստել «Բաունտի»:

Բաղադրիչներ

1. Կոկոսի քերուկ – 300 գ
2. Խտացրած կաթ – 500 գ
3. Շոկոլադ – 300 գ

Պատրաստման եղանակը

1. Բաունտի պատրաստելու համար նախ պետք է պատրաստել կոկոսային միջուկը: Թասի մեջ լցնել 300 գ կոկոսի քերուկը, ավելացնել 300 գ խտացրած կաթ և 2 թ/գ վանիլին: Խառնել:
2. Թխելու համար նախատեսված կաղապարի հատակը պատել յուղաթղթով: Կաղապարը պետք է ունենա բարձր կողեր և 20×20 չափ: Կաղապարի մեջ լցնել կոկոսային միջուկը:
3. Միջուկը լավ հարթեցնել, մի փոքր սեղմել: Ծածկել սննդային թաղանթով և 1 ժամ դնել սառցարանը:
4. 1 ժամ հետո հանել կաղապարից, հեռացնել թուղթը: Կտրել 27 հավասար բատոնների՝ 6×2 սմ չափի: Բատոնները նորից դնել սառցարանը:
5. Հալեցնել կաթնային շոկոլադը և կատարել «մխամեղմում» (հալեցնել 300 գ շոկոլադը գոլորշու վրա և թողնել, որ նրա ջերմաստիճանը բարձրանա մինչև 42 աստիճան, որից հետո վերցնել կրակից և մեջն ավելացնել 100 գ պինդ շոկոլադ և անընդհատ խառնելով՝ ջերմաստիճանն իջեցնել մինչև 30-32 աստիճան):
6. Բատոնները հանել սառցարանից: Թաթախել հալեցրած շոկոլադի մեջ և 2 պատառաքաղով դնել թղթի վրա:
7. «Բաունտին» պատրաստ է:

Պատրաստեց Անի Գաբուզյանը