Ֆրանսիացիները յուրացրել են կին լինելու արվեստը

Ֆրանսիական Longchamp բրենդը թողարկել է աշնան-ձմռան սեզոնի նոր հավաքածու: Շարքն ստացել է Art of being a woman (Կին լինելու արվեստը) անվանումը:

Դիզայներներին ոգեշնչել է 1970-ական թվականների նորաձևությունը: Հավաքածուում հիմնական գույներն են՝ նարդոսագույնը, բաց մանուշակագույնը, վարդագույնը և մարջանագույնը: Շարքում են՝ կաշվե վերարկուն՝ մետաղազօծ թևքերով և շերտանախշ պրինտով՝ օպ-արտ ոճով, մաքսի-զգեստը՝ «թրթռացող» նախշով, ինչպես նաև կարճ բաճկոնակները՝ զարդարված ոչխարենիով:

Հավաքածուում գլխավոր նորույթներն են Pռnռlope Arty և Effrontռe պայուսակները՝ մետաղազօծ և փայլուն կաշվից և թավշակաշվից՝ նախշերով:

Longchamp ընկերությունը հիմնվել է 1948 թվականին Փարիզում Ժան Կասեգրենի կողմից: Ներկայում այս մակնիշի ներքո արտադրվում են տղամարդու և կանանց հագուստ, կոշիկ, ինչպես նաև աքսեսուարներ և կաշվե իրեր: Ֆիրմայի լոգոտիպը ժոկեյի պատկերն է: