Տպել
Զուգարանից դուրս գալուց հետո ձեռքերը լվանալուց հրաժարվելն ավելի հաճախ է հանգեցնում դեղերի հանդեպ կայուն աղիքային ցուպիկի տարածմանը, քան հում կամ լավ չեփված մսի գործածումը, փոխանցում է Fox News-ը:
Ըստ հետազոտության՝ պոտենցիալ մահացու բակտերիայով վարակվելու «առավել հավանական ճանապարհը» մարդկային կենսագործունեության մասնիկներն են, որոնք սովորաբար տարածվում են լոգասենյակում վատ հիգիենայի պատճառով:
Անցյալ տարի Հիվանդությունների վերահսկման և կանխարգելման կենտրոններն ուսումնասիրել են աղիքային ցուպիկի մոտ 3 հազար դեպք: Հետազոտողներն առանձնացնում են մեկ տեսակ՝ բետա լակտամազ արտադրող E.coli-ը, որը հատկապես դժվար է բուժվում:
«Ավելի շուտ և անկասկած, ESBL-E.coli վիրուսի փոխանցման առավել հավանական ճանապարհն է ուղղակիորեն մարդուց մարդուն, երբ կղանքային մասնիկները մի մարդուց հասնում են մյուսի բերանին»,- ասել է Արևելյան Անգլիայի համալսարանի պրոֆեսոր Դևիդ Լիվերմորը:
E.coli բակտերիաները ապրում են մարդկանց և կենդանիների աղիքներում, որոնց մեծ մասն անվնաս է: Սակայն որոշ շտամներ կարող են սննդային թունավորման նշաններ առաջացնել, ինչպես՝ դիաերա և փսխում, միզուղիների ինֆեկցիաներ և, ինչն ավելի կարևոր է, արյան ինֆեկցիաներ:
Լիվերմորը և Մեծ Բրիտանիայից նրա գործընկերները թեստավորել են տավարի, խոզի և թռչնամսի նմուշները և այդ արդյունքները վերլուծել մարդկային կղանքի, կոյուղու և արյան առկայության ստուգմամբ: Նրանք հայտնաբերել են, որ մարդկային նմուշների միջև շտամները նման էին, բայց տարբերվում էին կենդանիների մոտ հայտնաբերվածներից:
Նրանց խոսքով՝ սա վկայում է, որ E.coli բակտերիաները տարածվում են հիմնականում մարդկանց միջև:
«E.coli բակտերիաների դեպքում առավել կարևոր է ձեռքերը լվանալ զուգարան այցելելուց հետո»,- ասել է Լիվերմորը՝ հավելելով, որ մսի պատշաճ պատրաստումը շարունակում է չափազանց կարևոր մնալ սննդային ծագման հիվանդություններից խուսափելու համար:
«E.coli բակտերիայի առաջացրած ինֆեկցիաները դժվար են բուժվում: Դրանք ավելի են տարածվում ինչպես հասարակության շրջանում, այնպես էլ հիվանդանոցներում»,- ասել է Լիվերմորը:
Ցավոք, Թագավորական դեղագործական ընկերության (RPS) անցկացրած հետազոտության համաձայն՝ նույնիսկ մեծահասակները կարող են ձեռքերը լվանալու համար օդի թարմացուցիչ օգտագործել: 2017 թվականին նրանք հարցում են անցկացրել ավելի քան 2 հազար մարդու շրջանում և հայտնաբերել, որ 84 տոկոսը ձեռքերը չի լվանում օճառով և ջրով հանձնարարված 20 վայրկայում: Ավելին՝ 21 տոկոսը խոստովանել է, որ լոգասենյալից դուրս գալուց հետո ոչ միշտ է ձեռքերը լվանում:
Հետազոտողները նախազգուշացնում են, որ հիգիենայի կանոններին չհետևելը մեծ քանակությամբ հիվանդություններ է առաջացնում:
