Տպել
Որոշ սովորություններ ոչ միայն կօգնեն նիհարել, այլեւ առողջության համար օգտակար կլինեն, ասել էնդոկրինոլոգ Լեոնիդ Մորգունովը (Ռուսաստան)։
«Մոսկվան է խոսում» ռադիոկայանի եթերում մասնագետը նշել է, որ շատ օգտակար է սովորել դանդաղ ուտել, քանի որ արագ ուտելու դեպքում հագեցածության զգացումն ավելի ուշ է ի հայտ գալիս։ Նիհարելու մեկ այլ արդյունավետ միջոց է քնելուց ոչ ուշ, քան 4-5 ժամ առաջ ընթրելը։
Մորգունովը նաեւ խորհուրդ է տվել ամեն օր 6-8 բաժակ ջուր խմել եւ օրվա ընթացքում հնարավորինս ֆիզիկապես ակտիվ լինել, օրինակ՝ օրական առնվազն 10 000 քայլ կատարել:
«Ֆաինա Գեորգիեւնա Ռանեւսկայան բոլոր ավելորդ քաշ ունեցողներին խորհուրդ է տվել՝ չխժռել։ Մի հայտնի էնդոկրինոլոգ ուտում է իր ափսեի մեջ դրվածի ուղիղ կեսը։ Սնունդը թափելը վատ բան է՝ պետք է կամ քիչ դնել, կամ սահմանափակել ուտելիքը»,- ասել է բժիշկը։
