Տպել
Կյանքի 95-րդ տարում վախճանվել է Մոսսովետի անվան թատրոնի ամենատարեց դերասանուհին՝ Ռուսաստանի ժողովրդական արտիստուհի Իրինա Կարտաշևան: Այդ մասին ՌԻԱ Նովոստիին հայտնել են թատրոնում: Հայրենական մեծ պատերազմին մասնակցած դերասանուհին ծանր հիվանդությունից հետո գիշերը մահացել է Մոսկվայի իր տանը:
Հրաժեշտի և հուղարկավորման ժամանակն ու վայրը հայտնի կդառնան ավելի ուշ, ասել է թատրոնի ներկայացուցիչը:
Իրինա Կարտաշևան ծնվել է 1922 թվականի նոյեմբերի 4-ին: 1947 թվականից ծառայել է Մոսսովետի անվան թատրոնում: Թատերական աշխատանքներից բացի, նա մասնակցել է բազմաթիվ կինոֆիլմերի կրկնօրինակմանը, որոնց թվում են՝ «Հռոմեական արձակուրդներ», «Ռոկոն և նրա եղբայրները», «Ֆանտոմասը Սքոթլանդ-Յարդի դեմ», «Զորրո», «Զուտ անգլիական սպանություն» ֆիլմերը:
