Դդումով ապուր՝ ըստ Ջեյմի Օլիվերի բաղադրատոմսի

Աշնանային ապուրի պատրաստման համար Ջեյմի Օլիվերը եփում է դդումը ջեռոցում՝ համեմունքների հետ միասին:

Բաղադրիչներ

1. Դդում – 1.5 կգ
2. Ձիթայուղ՝ ըստ ճաշակի
3. Չորացրած չիլի – 1 թ/գ
4. Համեմի սերմ – 1 ճ/գ
5. Սոխ – 1 հատ
6. Սխտոր – 1 ատամիկ
7. Գազար – 1 հատ
8. Նեխուրի ցողուն – 1 հատ
9. Տաք բանջարեղենային արգանակ – 1 լ
10. Աղ, սև պղպեղ՝ ըստ ճաշակի

Պատրաստման եղանակը

1. Ջեռոցը տաքացնել մինչև 170 աստիճան:
2. Կտրատել դդումի փափկամիսը՝ հեռացնելով կեղևը և սերմերը: Շարել երկու տապակների վրա և ձիթայուղ ցողել:
3. 1 պտղունց աղի հետ մանրացնել չիլին և համեմի սերմը: Շաղ տալ դդումի վրա, ավելացնել սև պղպեղ: 1 ժամ դնել ջեռոցի մեջ՝ մինչև դդումի փափկելը:
4. Կտրատել սոխը, սխտորը, գազարը և նեխուրը: Միջին կրակի վրա ձիթայուղը տաքացնել կաթսայի մեջ, հետո ավելացնել բանջարեղենը և եփել 15 րոպե:
5. Կաթսայի մեջ ավելացնել եփած դդումը՝ բանջարեղենային արգանակի հետ միասին: Ապուրը հարել ձեռքի բլենդերի օգնությամբ:
6. Դդումի ապուրը լցնել ամանների մեջ, զարդարել արևածաղկի սերմերով:

Պատրաստեց Անի Գաբուզյանը