Տորթ «Կարակումի» դասական բաղադրատոմսը

Բաղադրիչներ

Խմոր

Ձվի դեղնուց – 6 հատ

Շաքարավազ – 200 գ

Կարագ – 200 գ

Փխրեցուցիչ – 1.5 թ/գ

Ալյուր – 500-600 գ

Կակաո – 3 թ/գ

Բեզե

Ձվի սպիտակուց – 6 հատ

Շաքարի փոշի – 6 թ/գ

Միջուկ

Ծիրանի ջեմ – 150 մլ

Ընկույզ – 150 գ

Պատրաստման եղանակ

Լավ հարել ձվի դեղնուցները շաքարավազի հետ և ավելացնել փափուկ կարագը, խառնել:

Ավելացնել փխրեցուցիչով ալյուրը և խմոր հունցել:

Պետք է ստացվի բավականին պինդ խմոր: Խմորը բաժանել 2 ոչ հավասար մասերի: Փոքր մասը նորից բաժանել 2 մասի: Այդ մասերից մեկին խառնել 3 թ/գ կակաո:

Խմորի 3 մասերը գնդել, փաթաթել թաղանթով և 1 ժամ դնել սառնարանը:

Լավ հարել ձվի սպիտակուցները շաքարի փոշու հետ:

Պերգամենտի վրա գրտնակել խմորի մեծ գունդը և դնել տապակին:

Վրան հավասարաչափ ջեմ քսել:

Վրան շաղ տալ մանրացրած ընկույզ:

Կակաոյով խմորը քերել քերիչով և հավասարաչափ ցանել ջեմի և ընկույզի վրա:

Վրան հավասարաչափ տեղաբաշխել հարած սպիտակուցը:

Վրան շաղ տալ քերիչով անցկացրած առանց կակաոյի խմորը: Թխել նախապես 180 աստիճան տաքացրած ջեռոցում՝ մոտ 30 րոպե:

Պատրաստեց Անի Գաբուզյանը