Խոր քունը կանանց մոտ բարձրացնում է ինտիմ կյանքի որակը

Գիտնականները հայտնաբերել են, որ քնի քիչ տևողությամբ (օրվա մեջ 7-8 ժամից պակաս) կանանց մոտ սեռական բավարարվածության մակարդակը ցածր է, գրում է The Hindustan Times-ը:

Նոր հետազոտությանը մասնակցել են դաշտանադադարի մեջ գտնվող 93 668 կին: Մասնակիցների տարիքը տատանվում էր 50-ից 79տ:

56%-ը գոհ էր իր սեռական կյանքից: 52%-ն ինտիմ կյանքով ապրել էր վերջին տարվա ընթացքում:

7-8 ժամից քիչ քնող տարեց մասնակիցներն` ավելի երիտասարդ մասնակիցների համեմատ, հազվադեպ են սեռապես ակտիվ: 70-ից բարձր տարիքի կանայք, ովքեր քնում են 5 ժամից քիչ, 30%-ով ավելի քիչ են վարում ակտիվ սեռական կյանք, քան նրանք, ովքեր քնում են 7-8 ժամ:

Այս ամենից հետևում է, որ դաշտանադադարի մեջ գտնվող կանանց սեռական բավարարվածության մակարդակը կախված է քնի տևողությունից:

Ի դեպ, այլ հետազոտության տվյալների համաձայն, դաշտանադադարի ժամանակ ինտիմ կյանքի որակը միանգամից չի նվազում: Միջինում սեռական ֆունկցիան ընկճվում է վերջին դաշտանից հետո հինգ տարիների ընթացքում:

Այսպես, հետազոտության մասնակից կանանց 75%-ն ասել է, որ ինտիմ կյանքը կարևոր է իրենց համար: