Արքայախնձորով ըմպելիք, որը կօգնի մաքրել օրգանիզմը, ազատվել այտուցներից ու հոդացավերից

Budetezdorovy.ru-ն գրում է, որ արքայախնձորը բազմաթիվ կարևոր սննդարար նյութեր ու վիտամիններ է պարունակում, որոնք հարկավոր են օրգանիզմի լիարժեք աշխատանքի համար։ Առաջարկվող ըմպելիքը կարող է օգնել մաքրել օրգանիզմը, թեթևացնել հոդացավերը, նիհարել ու ամրացնել իմուն համակարգը։ Արքայախնձորն առանձնանում է հետևյալ հատկություններով։

Լավացնում է վահանաձև գեղձի աշխատանքը։

Լավացնում է նյութափոխանակությունը։

Հեռացնում է մակաբույծներին։

Պայքարում է բորբոքման դեմ։

Ամրացնում է ատամներն ու լնդերը։

Հավասարակշռում է էլեկտրոլիտների մակարդակը։ Օրգանիզմից հեռացնում է ծանր մետաղներն ու տոքսինները։

Լավացնում է տեսողությունը։

Օգնում է նիհարել։

Բաղադրիչներ

միջին չափի արքայախնձոր

անանուխի 6 տերև

1 լիտր ջուր։

Պատրաստման եղանակը

Մաքրեք արքայախնձորը, մանր կտրատեք։ Տարայի մեջ ջուր լցրեք, ավելացրեք արքայախնձորը, անանուխի տերևները։ Սառնարանում թողեք 8-10 ժամ։

Օգտագործման եղանակը

Առավոտյան արթնանալուց հետո՝ քաղցած վիճակում, խմեք 1 բաժակ։ Մնացածը խմեք օրվա ընթացքում։

Եթե առողջության հետ կապված լուրջ խնդիրներ ունեք, դիմեք բժշկի օգնությանը։ Ինքնաբուժումը կարող է վնասել առողջությանը։

Նյութը հրապարակման պատրաստեց 168.am-ը