Տպել
Աշխարհի խոշորագույն որոնողական համակարգը տնօրինող Google ընկերությունը հրաապարակել է 2017 թ ԱՄՆ-ում առավել շատ որոնված ավտոմեքենաների ցանկը՝ բաղկացած տասը ապրանքանշաններից: Կարելի է ենթադրել, որ այս ցանկը որոշակի ճշգրտությամբ արտացոլում է նաև սպառողական վարքագծի տենդենցները:
Նախորդ տարվա համեմատ վարկանիշային աղյուսակը զգալիորեն փոփոխվել է: Այպսես, դրանից դւորս են մնացել շատ թանկ պրեմիալ և սպորատյին այնպիսի ապրանքանշաններ, ինչպիսին են, օրինակ, Bentley-ն, Maserati-ն, Lamborghini-ն (չնայած նոր URUS ամենագանցի նորամուտին) և Rolls-Royce-ը: Միևնույն ժամանակ ամենաշատը որոնված մակնիշների թվում հայտնվել են կորեական Kia-ն և Hyundai-ը, որոնք տեղ չէին գտել անցած տարվա համար կազմված առաջին տասնյակից: 2016-2017 թթ համեմատական աղյուսակը բերված է ստորև:
Ավտոմոբիլային մակնիշների առաջին տասնյակն՝ ըստ Google-ի հարցումների
Տեղ 2017 թ 2016 թ
1 Ford Honda
2 Lexus Mercedes-Benz
3 Kia Tesla
4 Toyota Lamborghini
5 Honda Volvo
6 Buick Ford
7 Acura Jaguar
8 Tesla Bentley
9 Hyundai Maserati
10 Dodge Rolls-Royce
Ինչպես տեսնում ենք 2016 թ Google-ում առավել մեծ հետաքրքրություն էր առաջացրել Honda-ն: Դրանից մեկ տարի վաղ՝ 2015 թ.-ին առաջատարի դիրքը զբաղեցրել էր Chevrolet-ն, իսկ 2014 թ.-ին կրկին Ford-ը: Հատկանշական է, որ երեք տարի առաջ կազմված վարկանիշային աղյուսակում տեղ էր զբաղեցրել միայն մեկ եվրոպական ավտոմեքենա՝ գերմանական BMW-ն: Դրանց թիվը հետզհետե աճել էր, 2016 թ հասնելով յոթի, իսկ այս տարի եվրոպական ավտոմեքենաներն ընդհանրապես տեղ չեն գտել աղյուսակում:
