Տպել
90-ականների սուպերմոդել Սինդի Քրոուֆորդի 16-ամյա դուստրը՝ Կայա Գերբերը համարվում է նոր սերնդի նորաձևության իկոնա և հեռանկարային մոդել: Pop ամսագիրը Կայաին արդեն անվանել է «Աշխարհի ամենագեղեցիկ աղջիկը»: Շագանակագույն աչքերով և նույն գույնի մազերով Կայան մայրիկի նմանակն է, բացակայում է միայն Սինդի Քրոուֆորդի հայտնի խալը:
«Ես միշտ երազում էի անցնել մորս ճանապարհը և նրա նման մոդել լինեն, բայց չէի պատկերացնում, որ դա այդքան շուտ տեղի կունենա»,-նշել է Կայան:
Սինդի Քրոուֆորդը առաջին անգամ ամսագրի շապիկին է հայտնվել 16 տարեկանում, իսկ դուստրը՝ 14-ում: Սուպերմոդելի դուստրը արդեն կնքել է իր առաջին պայմանագիրը IMG Models մոդելային գործակալության հետ, իսկ 2016-ի մարտին մայրիկի հետ հայտնվել ֆրանսիական Vogue-ի շապիկին:
16 տարեկանը լրանալուց ընդամենը 4 օր անց աղջիիկը որպես մոդել իր դեբյուտն է կատարել Calvin Klein -ի ցուցադրությանը, որին հաջորդել են Dolce & Gabbana, Moschino , Balmain, Chanel, Saint Laurent, Versace մի խոսքով, ամենահեղինակավոր դիզայներների ցուցադրությունները:
16-ամյա Կայան լեգենդար Կառլ Լագերֆելդի մուսան է և դիզայների հետ համատեղ պատրաստվում է թողարկել իր կապսուլային հավաքածուն:
Այն, որ աղջիկը լավ է սկսել և կարող է կրկնել սուպերմոդել մայրիկի հաջողությունը փաստում են ոլորտի մասնագետները, իհարկե մեծ դեր կխաղա նաև հայտնի մայրիկի խորհուրդներն ու աջակցությունը:
